سپریم کورٹ کے ریزرویشن فیصلے پر نظرثانی کا مطالبہ لےکر بھٹکل بلاک کانگریس کا احتجاج

Source: S.O. News Service | By Abu Aisha | Published on 21st February 2020, 7:12 PM | ساحلی خبریں |

بھٹکل:21؍فروری(ایس اؤ نیوز)سپریم کورٹ کی طرف سے دئیے گئے ایک فیصلے میں ریزرویشن کو بنیادی حق قرار نہیں دینے سے پسماندہ ذات، پچھڑی ذات اور پسماندہ طبقات کی  بےچینی میں اضافہ کردیا ہے۔ متعلقہ فیصلے کے خلاف مرکزی حکومت فوری نظر ثانی کی عرضی داخل کرنے کا مطالبہ لےکر سابق رکن اسمبلی منکال وئیدیا کی قیادت میں بھٹکل بلاک کانگریس کی جانب سے بھٹکل اسسٹنٹ کمشنر کی معرفت صدر ہند کو میمورنڈم سونپا گیا۔

تعلقہ کے ساگر روڑ پر واقع کانگریس دفتر سے نکلے کانگریس لیڈران اور کارکنان اے سی دفتر تک احتجاجی ریلی نکالی ۔ ریلی کے دوران کانگریس کی حمایت میں نعرے بازی کی گئی۔ بھٹکل کانگریس صدر سنتوش نائک نے خطاب کرتے ہوئے کہاکہ سماجی ناانصافی کو دورکرنے کے لئے دستور میں ریزرویشن کی سہولت دی گئی ہے۔ اب مظلوم طبقات  کو ریزرویشن ختم کئے جانے کا خوف ستارہاہے، تعلیم، روزگار کھوجانے کے خوف میں مبتلا ہیں۔ عدالت کے فیصلے پر نظر ثانی کی ضرورت ہونے کا خیال ظاہر کیا۔ راماموگیر نے بات کرتے ہوئے کہاکہ دستور کے بنیادی حقوق کو چھینے کا اختیار کسی کو نہیں ہے۔ ضلع پنچایت صدر جئے شری موگیر نےکہاکہ جب سے بی جے پی اقتدار پر آئی ہے تب سے پسماندہ طبقات اور ذات کے لوگوں کے حالات دگرگوں ہونے کی  بات کہی۔

کانگریس لیڈر سومیا گونڈ نے کہاکہ دیوراج ارس کے زمینات سدھار منصوبے کے بعد ہمار ے لوگوں کو  کھانے کے لئے کھانا ، رہنے کے لئے گھر کی سہولیات میسر ہورہی ہیں۔ ریزرویشن کے ذریعے ہمارے لوگ سماجی سطح پر ترقی کی کوشش میں آگے بڑھ رہے ہیں۔ ابھی تعلیمی سطح پر ترقی ہونا باقی ہے۔ اسی مرحلےمیں ریزرویشن رد کیاجاتاہے تو ہم سب مشکلات میں گھر جانے کی بات کہی۔ اے سی دفتر کے افسر ایل اے ہیگڈے نے میمورنڈم وصول کئے۔ اس موقع پر تعلقہ پنچایت صدر ایشور نائک، نائب صدر رادھا اشوک وئیدیا، ضلع پنچایت ممبر سندھو بھاسکر، وینکٹیش نائک، جئے لکشمی گونڈ، وشنو دیواڑیگا، عبدالمجید، ایف کے موگیر، موہن گونڈ، کے جی نائک، نارائن بی نائک، ستیش پجاری ، ناگیش دیواڑیگا، سچن نائک، رمیش نائک وغیرہ موجود تھے۔

ایک نظر اس پر بھی

کورونا سے متاثرہ لوگوں کو بھٹکل ویمن سینٹر کیا گیا شفٹ؛ مزید بستروں کی ہوگی ضرورت

بھٹکل ویمن سینٹر کو کوویڈ۔19 سینٹر میں منتقل کرنے کے بعد  آج اتوار کو بھٹکل سرکاری اسپتال سے تمام کورونا سے متاثرہ لوگوں کو منتقل کیا گیا۔ اس موقع پر قومی سماجی ادارہ مجلس اصلاح و تنظیم  بھٹکل کی جانب سے محمد صادق مٹا  موجود تھے۔ انہوں نے بتایا کہ کل سنیچر رات کو سونارکیری ...

سنڈے لاک ڈاون؛ بھٹکل میں مکمل خاموشی، راستوں کی چہل پہل مکمل بند؛ بازاراور دکانوں پر نظر آئے تالے

ریاست کرناٹک میں  کورونا کے  معاملات میں  روز بروز اضافہ کو دیکھتے ہوئے  ریاستی حکومت نے سنڈے لاک ڈاون کا اعلان کیا تھا، جس کے تحت کل سنیچر شام پانچ بجے سے کل پیر صبح پانچ بجے تک  مکمل لاک ڈاون  نافذ کیا گیا ہے، جس کے دوران آج بھٹکل  کی سڑکیں خاموش رہیں، عوامی چہل پہل مکمل بند ...

مینگلور کے قریب بنٹوال میں مکانوں پر پہاڑی کھسک گئی؛ دو معصوم جاں بحق

گذشتہ دس دنوں سے جاری موسلادھار بارش کے دوران آج اتوار کو  قریبی علاقہ بنٹوال کے بنگلاگُڈے میں  ایک پہاڑی کھسک کر تین   مکانوں پر گرنے سے تینوں  مکان زمین بوس ہوگئے  بتایا گیا ہے کہ دوپہر کو جس وقت یہ حادثہ پیش آیا،  ایک مکان میں دو  بچے آرام کررہے تھے، مکان  گرنے سے دونوں ...

اُترکنڑا میں بھٹکل کے 9لوگوں سمیت 23 لوگوں کی رپورٹ آئی پوزیٹیو؛ مینگلور اسپتال میں بھی بھٹکلی خاتون کی رپورٹ پوزیٹیو آنے کی خبر

ضلع اُترکنڑا میں کورونا کے مزید معاملات آج اتوار کو بھی سامنے آئے ہیں جس میں بھٹکل کے بھی 9 معاملات شامل ہیں۔ ذرائع سے ملی اطلاع کے مطابق  کمٹہ سے 5، منڈگوڈ  اور ہلیال سے 3، 3، انکولہ، کاروار، سرسی سے ایک ایک کی رپورٹ کورونا پوزیٹو آئی ہے۔

بھٹکل:کورونا سے متاثرہ لوگ سونارکیری اسکول سے ویمن سینٹر منتقل؛ جےڈی نائیک سمیت کئی لیڈران کی رپورٹ آنی باقی

بھٹکل میں  کورونا کے تیسرے حملے میں جہاں ایک طرف دو لوگ جاں بحق ہوگئے وہیں   اب تک  بھٹکل میں 63 لوگ کورونا سے متاثر پائے گئے ہیں، بھٹکل کی ایک معروف  شخصیت مینگلور اسپتال میں ایڈمٹ ہیں تو دیگر لوگ بھٹکل سونارکیری اسکول اور بھٹکل تعلقہ سرکاری اسپتال میں داخل کئے گئے تھے ۔ اب ...

آج 16 پوزیٹیو آنے والوں میں تین دبئی سے اور آٹھ وجے واڑہ سے لوٹے لوگ شامل

بھٹکل کے آج جن 16 لوگوں کی رپورٹ کورونا  پوزیٹیو آئی ہے، اُن میں سے تین لوگ دبئی سے آئے ہوئے لوگ ہیں، آٹھ لوگ وجئے واڑہ ،  تین لوگ  اُترپردیش  اور مہاراشٹرا سے لوٹا ہوا ایک شخص بھی آج کی لسٹ میں شامل ہیں۔