بھٹکل : منکال وئیدیا کے بیان پر بی جے پی کا جوابی وار؛شرالی میں ہائی وے کی چوڑائی کی توسیع کا ٹھیکرہ ریاستی حکومت پر پھوڑا

Source: S.O. News Service | By Abu Aisha | Published on 21st February 2019, 12:28 AM | ساحلی خبریں | ان خبروں کو پڑھنا مت بھولئے |

بھٹکل:20؍فروری (ایس او نیوز) شرالی میں قومی شاہراہ کی توسیع کے تعلق سے کل سابق رکن اسمبلی منکال وئیدیا نے بی جے پی کو راست نشانے پر لیتے ہوئے بیان دیا تھا کہ ہائی وے کی توسیع  کا کام نیشنل ہائی وے اتھارٹی کا ہوتا ہے جس کے لئے مرکزی حکومت کی طرف سے  منظوری حاصل کرنی ہوتی ہے، مگر منکال وئیدیا کے بیان پر چراغ پا بی جے پی نے آج پریس کانفرنس کا انعقاد کرتے ہوئے شرالی میں نیشنل ہائی وے کی توسیع کا ٹھیکرہ ریاستی حکومت پر پھوڑ دیا اور کہا کہ جب تک ریاستی حکومت کی جانب سے زمین اکوائیر کرکے نیشنل ہائی وے اتھاریٹی کو نہیں دی جاتی، نیشنل ہائی وے اتھاریٹی یا مرکزی حکومت کچھ نہیں کرسکتی۔ بہر حال ایک طرف کانگریس  کی جانب سے مرکزی حکومت کو ہائی وے کی توسیع  کا اختیار ہونے کی بات کررہی ہے تو وہیں بی جے پی اس کے لئے ریاستی حکومت کو اختیار ہونے کی بات کررہی ہے، ایسے میں عوام پریشان ہیں کہ آخر وہ اپنی بات منوانے کے لئے آخر جائیں تو کہاں جائیں۔  

 یہاں بدھ کی شا م پریس کانفرنس سے خطاب کرتے ہوئے بی جے پی صدر راجیش نائک  نے کہاکہ منکال وئیدیا پوری طرح لاعلمی کی باتیں کہہ رہے ہیں، ان کی رکن اسمبلی کی مدت میں ہی قومی شاہراہ توسیع کا حکم جاری ہوا تھا، جس کے لئے ضلع نگراں کار وزیر آر وی دیش پانڈے  راست ذمہ دار ہیں۔ شرالی میں شاہراہ کی توسیع کو لے کر مقامی پنچایت نے ضلع نگراں کاروزیر سے رابطہ کیا تو انہوں نے اس معاملے میں کوئی بھی  مداخلت نہ کرنے کا کڑک جواب دیا تھا۔ اب منکال وئیدیا 24گھنٹوں میں کام کرنے کی بات کررہے ہیں، راجیش نائک نے سوال کیا کہ جب وہ رکن اسمبلی تھے،  تب وہ کیا کررہے تھے؟

راجیش نائک کے مطابق شاہراہ کی توسیع کے لئے ریاستی حکومت کی طرف سے پیش کش کی جاتی ہے، جس کے لئے مرکزی حکومت امداد منظور کرتی ہے۔ راجیش نائک نے بتایا کہ منکال وئیدیا نے اس سے قبل کہا تھا کہ 100اننت کمار ہیگڈے بھی آئیں گے تو اُنہیں ہرا نہیں سکیں گے، اب اسمبلی انتخابات میں شکست کے بعد منکال وئیدیا  مایوسی کے عالم میں شرالی کے دھرنےکی جگہ پر پہنچ کر عوامی ڈائس کا غلط استعمال کیا ہے۔

منکال وئیدیا کے اس بیان پر کہ اُن کی لائی ہوئی رقومات سے تعمیراتی کاموں کا موجودہ رکن اسمبلی افتتاح کررہے ہیں، راجیش نے سوال کیا کہ کیا انہوں نے اُن سے پہلے کے رکن اسمبلی جے ڈی نائک کی منظور کی گئی رقومات سے تعمیراتی کاموں کا افتتاح نہیں کیا تھا ؟

راجیش نائک نے دیگر اُمور کو لے کر بھی منکال وئیدیا پر نشانہ سادھا۔ کرشنا نائک آسارکیری ، سبرائے نائک تیرن مکی، بھاسکر دئیمنے ، روی نائک جالی ، شیوانی شانتارام، دنیش نائک، موہن دیواڑیگا، ہنومنت نائک، رام چندر نائک، پرمود جوشی ، داس نائک ،لکشمی نارائن نائک، سچن مہالے وغیرہ پریس کانفرنس میں موجود تھے۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...