بھٹکل  :30/جولائی (ایس اؤ نیوز) ضلع انتظامیہ کی جانب سے  تعلقہ کے بینگرے گرام پنچایت حدود میں مجوزہ کچرانکاسی مرکز کی تعمیر کے خلاف دیہی عوام نے عوامی نمائندوں کے ساتھ احتجاج کی تیار ی میں ہیں۔

ضلع انتظامیہ کی طرف سے بینگرے گرام پنچایت حدود میں کچرا نکاسی مرکز کے قیام کا فیصلہ لیاگیا ہے۔ عوام کا کہنا ہےکہ کچرا مرکز کے قیام سے عوام کو کافی تکالیف اورپریشانی  ہونےکا الزام لگایا ہے۔ اس سلسلے میں پیر ک وبینگرے گرام پنچایت دفتر کے صحن میں پنچایت ممبران اور عوام کی میٹنگ منعقد ہوئی ۔ بینگرے 2گرام پنچایت کے سروے نمبر 1123/اے2پر نیا کچرا نکاسی مرکز کی تعمیر کے لئے بلیو پرنٹ تیار ہونے کی اطلاع ملی ہے۔ متعلقہ زمین رہائشی علاقے میں ہے ، اور اطراف میں سیکڑوں ایکڑ زرعی زمین بھی ہے۔ کچرانکاسی مرکز سے علاقہ میں بدبو پھیل کر بیمار کے لئے راہ دینے کا عوام نے خدشہ ظاہر کیاہے۔ بارش کے موسم میں تو حالت اور بھی ابتر ہوجاتی ہے۔ کچرے کا گندہ پانی ، کچرا، پلاسٹک وغیرہ پانی میں مل کر کھیتوں میں چلا جاتاہے۔ جس سے کسانوں کو زمین جوتنے کو روکنا ہوگا۔ کلی طورپر پوری دیہی زندگی پر اس کے برے اثرات ہونگے۔ عوام کا مطالبہ ہے کہ کسی حال میں بھی کچرا مرکز کے لئے موقع نہ دیں۔

مخالفت کے پہلے مرحلے میں اے سی کے ذریعے ڈی سی کو میمورنڈم سونپاجائے گا۔ اگر توجہ نہیں دی گئی تو سخت احتجاج کرنےکا فیصلہ میٹنگ میں لیاگیا ۔ اس موقع پر بینگرے گرام پنچایت صدر وینکٹیا بھئیرو منے ، نائب صدر منجوناتھ موگیر، ممبران وشنو دیواڑیگا، گرام پنچایت ممبر گنپتی بھئیرو منے ، رام چندر نائک، بلیا نائک، ساتیا نائک وغیرہ موجود تھے۔