بھٹکل:10؍فروری(ایس اؤ نیوز)فوریسٹ حقوق قانون کے تحت داخل کی گئی عرضیوں کو متعینہ دستاویزاتی ثبوتوں پر زور دئیے بغیر منظوری کارروائی کو انجام دینے کے لئے ضلع ڈپٹی کمشنر کو تکرار عرضی داخل کرنےکی مہم 19فروری سے شروع کی جائے گی، اس بات کا اعلان ارینیا بھومی حقوق ہوراٹا ویدیکے کے صدر رویندر نائک نے کیا۔
وہ یہاں پیر کو تعلقہ کے پرائیویٹ ہوٹل میں بھٹکل تعلقہ ارینیا بھومی حقوق ہوراٹا گارر ویدیکے کی میٹنگ میں خطاب کررہے تھے۔ انہوں نے کہا کہ فوریسٹ حقوق قانون میں ضلع اور زون سطح کی کمیٹیوں کے دعویٰ پر فیصلہ کرنے کے دوران متعینہ دستاویزاتی ثبوت دینے پر زور نہ دینے کی وضاحت کی گئی ہے۔ اور 75برس کی اتی کرم زمین کی حصولیابی کے لئے دستاویزات کی ضرورت نہیں ہے، روایتی فاریسٹ مکینوں کے 75برس کے عوامی رہائش پذیر علاقے کو حقوق دینے کے لئے مرکزی پچھڑی وزارت نے ریاستی حکومت کو ہدایات دی ہیں۔ گجرات ہائی کورٹ نے بھی دستاویزاتی ثبوت کو پیش کرنے پر دباؤ ڈالنے کو قانون کی خلاف ورزی قرار دیا ہے۔ اس کے باوجود ضلع میں 63002عرضی داروں کی عرضیوں کو رد کیا گیا ہے، اس پر سخت ناراضگی ظاہر کرتے ہوئے ضلع کے اتی کرم دار ڈی سی کو تکرارعرضی دینے کی مہم منانا طئے کیا گیا ہے۔ اس کے علاوہ فاریسٹ افسران کی طرف سے اتی کرم داروں پر ظلم ، کرنے، انہیں پریشان اور ہراساں کئے جانے کے متعلق غوروفکر کرنے کے لئے 12فروری کو میٹنگ منعقد کئے جانے کی بھی انہوں نے جانکاری دی ۔
دیوراج گونڈا نے استقبال کیا اور آخر میں شکریہ کلمات ادا کئے۔ اس موقع پر عبدالقیوم صاحب، مادیو نائک، ضلع سنچالک سید علی ، منیر صاحب، عبدول صاحب وغیرہ موجود تھے۔