بھٹکل:15؍اکتوبر(ایس اؤ نیوز)بھٹکل کے اسسٹنٹ کمشنر ساجد ملا کا اچانک بھٹکل سے  تبادلہ کرتےہوئے ریاستی حکومت نے حکم نامہ جاری کیا ہے، مگر اُن کی تقرری کہاں ہوگی اس تعلق سے ابھی تک کوئی حکم نامہ جاری  نہیں کیا  گیا ہے۔  بھٹکل میں ساجد ملا کی جگہ  پر کے اے ایس جونئیر گریڈ کے پروبیشنری افسر اے رگھو کا تقر ر کیاگیا ہے۔ اس طرح تعلقہ کے اہم کلیدی عہدوں پر فائز ایماندار افسران کے تبادلوں کولے کرعوام تعجب کا اظہار کیا ہے۔

ریاست میں بی جےپی کے اقتدار سنبھالتےہی تبادلوں کا دور شروع ہوگیاہے، پہلے آر ایف اؤ شنکر گوڈا کا تبادلہ ہوا تو سوشیل میڈیاپر اے ایس پی نکھیل بُلاور کے تبادلے کو لے کر کئی  باتیں  گردش میں ہیں البتہ  ان کے تبادلے کا  ابھی تک حکومت کی جانب سے کوئی مصدقہ حکم نامہ جاری نہیں ہواہے۔ تعلقہ کے حالات کو بہتر سمجھ کر ترقی جاتی  کاموں کو انجام دینے والے اور سیلاب کے دوران راحت کاری کا بہترین انتظام کرتےہوئے عوامی ستائش پانے والے بھٹکل کے  اسسٹنٹ کمشنر ساجد ملا کا اچانک تبادلہ ہونے پر بھی سوشیل میڈیاپر زوروں پر بحث  چل رہی ہیں اور عوام   عوامی نمائندوں پر شکوک و شبہات کا اظہار کررہے ہیں

مقامی لوگوں کا کہنا ہے کہ  تعلقہ میں غیرقانونی طورپر  اراضی مافیا، کان کنی  اور  غیر قانونی کارستانیوں میں اضافہ ہورہا تھا ، جب ان ایماندار  افسران نے غیر قانونی سرگرمیوں پر سخت کارروائی کرنے کی کوشش  کی اور کئی ایک جگہوں پر دھاوا بولا تو ان کا تبادلہ کیا گیا ہے۔  

خیال رہے کہ بھٹکل میں سی پی آئی اور پی ایس آئی کے بھی تبادلے ہوچکے ہیں اور اُن  کے عہدوں پر  فی الحال کوئی تقرری نہیں ہوئی ہے۔ اب بھٹکل کے اسسٹنٹ کمشنر ساجد احمد مُلا کا تبادلہ کرنے پر لوگ حیرت کا اظہار کررہے ہیں ، لوگ اس بات کو لے کر بھی حیرت کا اظہار کررہے ہیں کہ  بھٹکل سے ان کا تبادلہ تو کئے جانے کا حکم صادر ہوا ہے، مگر  ان تقرر کہا کیا گیا ہے، اُس سلسلے میں ابھی تک خاموشی چھائی ہوئی ہے۔

بھٹکل کے لوگ  عوامی نمائندوں پر  زوردے  رہے ہیں کہ یہ اُن کی  ذمہ داری ہے کہتعلقہ کی ہمہ جہت ترقی کی خاطر ترقی کے خواہاں افسران کو یہاں سے ہٹانے کے بجائے یہیں پر رکھ کر  قانونی خلاف وزریوں کو روکنے کی طرف توجہ دیں۔