بھٹکل اسلامیہ اینگلو ہائی اسکول میں سالانہ ادبی و ثقافتی مقابلوں کا انعقاد : انجمن قابلِ فخر تعلیمی ادارہ ہے : مولانا عبدالعلیم خطیب ندوی

Source: S.O. News Service | By Abu Aisha | Published on 10th December 2019, 9:03 PM | ساحلی خبریں |

بھٹکل:10؍دسمبر(ایس اؤ نیوز)انجمن حامئی مسلمین بھٹکل کے اسلامیہ اینگلو اردو ہائی اسکول بھٹکل میں 10دسمبر 2019بروز پیر کو ہائی اسکول کے عثمان حسن ہال میں طلبا کے درمیان سالانہ ثقافتی مقابلوں کا انعقاد ہوا۔

سالانہ اجلاس کے پیش نظر منعقد کئے گئے اس ثقافتی مقابلے میں ہائی اسکول کے طلبا نے قرأت،حمد، نعت، نظم خوانی،  دینیات، اردو ، کنڑا، انگریزی میں تقاریر ، غزل سرائی وغیرہ میں کل 32طلبا نے اپنی صلاحیتوں کے جوہر دکھائے۔ ممتحن حضرات نے انہیں نمبرات سے نوازتے ہوئے اول ، دوم  اور سوم کا فیصلہ کیا۔

افتتاحی تقریب میں جامع مسجد کے امام وخطیب مولانا عبدالعلیم خطیب ندوی نے طلبا سے خطاب کرتے ہوئے کہاکہ انجمن سرزمین بھٹکل کا قابلِ فخر تعلیمی ادارہ ہے۔ طلبا کی طرف سے مختلف شعبہ جات کی تیاریوں کی ستائش کرتےہوئے علامہ اقبال کے

                      اسی دریا سے اٹھتی ہے وہ موجِ تند وجولاں بھی                                  نہنگوں کے نشیمن جس سے ہوتے ہیں تہہ و بالا   

شعر سے داد یتے ہوئے اساتذہ کی محنتوں کو سراہا۔ طلبا کے سامنے انجمن کے بانیان کی   کاوشوں کو سہل انداز میں رکھتے ہوئے انجمن کے مقاصد پر روشنی ڈالی۔مولانا نےکہاکہ  انجمن صرف ایک نام نہیں بلکہ یہ ایک مشن ،مقصد، جدوجہد اور مستقبل کا نام ہے۔ طلبا سے کہاکہ آپ ایسے عظیم ادارے میں تعلیم حاصل کررہے ہیں  جس پر اللہ شکر ادا کرنا چاہئے۔ انہوں نے طلبا کوتلقین کی کہ وہ انجمن کےبانیاں کی زندگیوں کو پڑھیں۔ علم قربانیوں کا نام ہے ، محنت و کوشش کانام ہے۔ اعلیٰ سے اعلیٰ مقصد کو لےکر علم حاصل کرنے کی اپیل کرتےہوئے طلبا سے  کہاکہ صرف کمانے کے لئے تعلیم حاصل نہ کریں بلکہ آپ پوری دنیا میں اسلام کے ترجمان بن کر ابھرنے کی تمنا ظاہر کی۔

تقریب کا آغاز محمد عاکف ابن محمد الیاس شیخ کی تلاوت قرآن سے ہوا۔ اسلامیہ اینگلو ہائی اسکول کے صدر مدرس شبیر دفعدار نے استقبالیہ کلمات اداکئے۔ مہمانوں کی گل پوشی کی گئی ۔ مولوی محمد شاہین قمر ندوی نے مہمانوں کا تعارف پیش کیا۔ انجمن حامئی مسلمین بھٹکل کے ایگزیکٹیو ممبر عبدالرحیم پٹیل نے تقریب کی صدارت کی۔ نوائط کالونی کے انچارج صدر مدرس نذیر احمد ہلویگر نے شکریہ اداکیا۔ اے آر مرزانی اور عبدالحفیظ خان نے نظامت کے فرائض انجام دئیے۔ ڈائس پر انجمن کے ایڈیشنل جنرل سکریٹری اسحق شاہ بندری اور ہائی اسکول کے سکریٹری عبدالواجد کولاموجود تھے۔

ایک نظر اس پر بھی

یوم جمہوریہ کے موقع پر پس مرگ پدما وبھوشن ایوارڈ پانے والوں میں شامل ہیں اڈپی پیجاورمٹھ سوامی اور جارج فرنانڈیز

یوم جمہوریہ کے موقع پر مرکزی حکومت کی طرف سے مختلف شعبہ ہائے زندگی میں نمایاں خدمات انجام دینے والی شخصیات کو پدما بھوشن اور پدماوبھوشن جیسے اعزازات سے نوازا جاتا ہے۔ امسال جن شخصیات کو پس مرگ پدماوبھوشن ایوارڈ سے نوازا گیا ہے اس میں پیجاور مٹھ کے سوامی اور سابق مرکزی وزیر ...

کاسرگوڈ: چوتھی جماعت کی طالبہ کے ساتھ جنسی ہراسانی کے ملزم ٹیچرکو عدالت نے دی20سال قید بامشقت کی سزا

یہاں کے ایڈیشنل سیشنس کورٹ نے چوتھی جماعت کی طالبہ کے ساتھ جنسی زیادتی کرنے والے ایک  ٹیچر کو 20سال قید بامشقت اور 25ہزار روپے جرمانے کی سز اسنائی ہے۔ اور جرمانہ ادا نہ کرنے کی صورت میں مزید 2سال کی سزا کاٹنے کا حکم دیا ہے۔

رات بارہ بجے ہی بھٹکل میں منائی گئی یوم جمہوریہ کی تقریب؛ ہندوستانی آئین کی تجاویز پڑھ کر سنائی گئیں؛سینکڑوں لوگوں کی شرکت

بھٹکل میں  وی دی انڈین (بھٹکل) کی جانب سے تعلقہ اسٹڈیم کے باہر رات بارہ بجے یوم جمہوریہ کی تقریب نظر آئی جہاں  عوام نے  ہندوستانی آئین کی تجاویز پڑھ کر  ہندوستانی دستور کے تحفظ  کا عہد لیا۔