بھٹکل:07؍اکتوبر(ایس اؤ نیوز)انجمن ڈگری کالج اینڈ پی جی سنٹر بھٹکل کے متعلم عبدالحسین ملک ابن عبدالسلام دامدا بیاڈمنٹن کھیل میں کرناٹکا یونیورسٹی  دھارواڑ  کے یونیورسٹی بلیو کے طورپر منتخب ہوئے ہیں۔

19اور20ستمبر 2019کو کرناٹکا یونیورسٹی دھارواڑ کے زیر اہتمام یونیورسٹی سے ملحق کالجوں کے  شعبہ بیاڈ منٹن کےطلبا کھلاڑیوں کا انتخابی ٹرائل ہوا تھا جس میں انجمن ڈگری کالج کے عبدالحسین ملک کو یونیورسٹی بلیو کےطورپر منتخب کیاگیا ہے۔ مسلسل یہ تیسرے سال بھی انجمن کالج بھٹکل کا طالب علم بیاڈ منٹن میں یونیورسٹی بلیو کے طورپر منتخب ہوتے ہوئے تاریخ رقم کی ہے۔ خیال رہے کہ متعلقہ طالب علم عبدالحسین ملک ٹیبل ٹنیس میں بھی یونیورسٹی بلیو کے طورپر منتخب ہواہے۔ یونیورسٹی بلیو بننے پر انجمن حامئی مسلمین بھٹکل کے عہدیداران ، کالج پرنسپال، لکچررس، فزیکل ڈائرکٹروغیرہ نے مبارکبادی پیش کی ہے۔