بھٹکل انجمن انجینرنگ کالج کی طالبہ کا شاندار پرفارمینس؛ یونیورسٹی سطح پر بھٹکل کو دلایا پانچواں مقام
بھٹکل 3 ستمبر (ایس او نیوز) انجمن انجینرنگ کالج بھٹکل کی طالبہ فاطمہ فروہ نے کمپوٹرسائنس انجینئرنگ میں شاندار پرفارمینس پیش کرتے ہوئے یونیورسٹی سطح پر پانچواں مقام حاصل کرنے میں کامیاب ہوگئی ہیں۔
انجمن انسٹی ٹیوٹ آف مینجمنٹ اینڈ ٹیکنالوجی (اے آئی ٹی ایم) شعبہ کمپوٹرسائنس کے کو۔آرڈی نیٹر پروفیسر بھاگوت نے بتایا کہ فاطمہ فروہ نے پانچویں سمسٹر میں 703 مارکس حاصل کرتے ہوئے نہ صرف بھٹکل میں ٹاپ کیا بلکہ انڈر گریجویٹ میں SGPA 9.1 مارکس کے ساتھ کمپوٹر سائنس اینڈ انجینرنگ میں ویشویشوریا ٹیکنالوجیکل یونیورسٹی کی ٹاپ ٹین لسٹ میں پانچواں رینک حاصل کرتے ہوئے پورے بھٹکل کا نام روشن کردیا۔ انہوں نے بتایا کہ فاطمہ نے دوسرے سمیسٹر میں کیمیکل لیب میں سو فیصدی مارکس حاصل کئے تھے. اسی طرح کمپوٹرسائنس کے MPMC , ADE, DAA, DS لیب میں بھی سو میں سو مارکس حاصل کرتے ہوئے نمایاں کامیابی درج کی تھی۔
محمد یحیٰ دامدا ابو اورفرحت یحیٰ کی دُختر فاطمہ فروہ نے انجمن انسٹی ٹیوٹ آف مینجمنٹ اینڈ ٹیکنالوجی بھٹکل کے تمام سیمسٹروں میں اول نمبرات سے کامیاب رہی ہیں۔ جبکہ ہیڈ آف دی ڈپارٹمنٹ پروفیسر انل کڈلے اور کمپوٹر سائنس انجینرنگ کے کو۔آرڈی نیٹر پروفیسر بھاگوت کی سرپرستی میں وہ اس وقت بھومیکا، فاطمہ سِمرا اور نیویدیتا کے ساتھ "لائیو پروجکٹ آف انڈسٹری ورک فروم ہوم" پر انٹرن شپ کررہی ہیں۔
فاطمہ فروہ کی اس نمایاں کامیابی پر انجمن کے صدرقاضیا محمد مزمل، جنرل سکریٹری صدیق اسماعیل، کالج سکریٹری محی الدین رکن الدین، اے آئی ٹی ایم کے پرنسپل مشتاق بھاوی کٹّی، نائب پرنسپال ڈاکٹر فالا چندرا، ہیڈ آف ڈی ڈپارٹمنٹ انل کڈلے اور پروفیسر بھاگوت سمیت کالج کے دیگر اسٹاف نے انہیں مبارکباد پیش کی ہے اور نیک خواہشات کا اظہار کیا ہے۔