بھٹکل انجمن حامئی مسلمین کے سبھی پرائمری اسکولوں کا مشترکہ سالانہ جلسے کا انعقاد : انجمن علم کا گہوارہ ہے ہمیں اس کی قدر کرنی چاہئے : مہمانو ں کا خطاب
بھٹکل:08؍دسمبر(ایس اؤ نیوز)انجمن حامئی مسلمین بھٹکل کے زیر سرپرستی چلنے والے سبھی پرائمرای سکولوں انجمن آزاد، نور، تکیہ ، اردو میڈیم ، انگلش میڈیم اور الفطرہ اسلامک پری اسکول کا مشترکہ سالانہ جلسہ 8دسمبر 2019بروز اتوار کو خدیجہ سید علی کیمپس میں منایاگیا ۔
جلسہ میں مہمان خصوصی کے طورپر بھٹکل سرکاری اسپتال کی ماہر دانت شریمتی ڈاکٹر ڈی شروتی نے خطاب کرتے ہوئے کہاکہ بچے غریب ہوں کہ امیر ،طلبا کا پس منظر اہمیت نہیں رکھتا بلکہ والدین و سرپرستوں کی عملی چاہت اور بچوں کو دی جانے والی ترغیب اہم ہوتی ہے جو انہیں تعلیم کے ہر میدان میں آگے بڑھنے کی ہمت بڑھاتی ہے۔ بچوں کو خود ان کی اپنی صلاحیت کی بنیاد پر پرورش و ترقی پانے کا موقع فراہم کریں تاکہ ان میں خود اعتمادی پیدا ہو۔
،مہمان اعزازی کی حیثیت سے کالی کٹ سے تشریف فرما ماہر شخصی تعمیرمحترمہ اصیلا مصباح نے خطاب کرتےہوئےکہاکہ انجمن کا ہم سب کا شکریہ اداکرناچاہئے کہ انہوں نے ایل کے جی سے لےکر انجنئیرنگ تک کی تعلیم کےلئے اپنے گھر میں موقع فراہم کیا ہے۔ طلبا سے کہاکہ علم کو خرچ کریں یعنی ایک دوسرے کے ساتھ شئیر کریں یہ گھٹتا نہیں بلکہ بڑھتاہے۔ کسی بھی کورس کو لیتے ہیں اس کو مکمل کریں ادھورا نہ چھوڑنے کی تلقین کی۔ انجمن پی یوکالج فارویمن بھٹکل کی پرنسپال محترمہ ڈاکٹر فرزانہ محتشم نے طلبا سے خطاب کرتے ہوئے کہاکہ آپ کے درمیان جو بھی اہم شخصیات ہیں ان کی قدر کریں ، انہی کی جانفشانی اور کاوشوں کا نتیجہ ہے کہ انجمن کے گلشن میں کئی رنگین پھول کھلے ہیں ۔ انجمن صدسالہ جشن زنانہ کمیٹی کی کنونیر محترمہ سیمہ نذیر احمد قاسمجی نے جلسہ کی صدارت کرتے ہوئے انجمن کی تاریخ پر مختصراً روشنی ڈالتے ہوئے کہاکہ ابھی تعلیم کے آسمان باقی ہیں جنہیں چھونا ہے۔ آج کے یہی بچے کل ان خوابوں کی تعبیر بنیں گے ۔ انہوں نے پرائمری اسکولوں کے بچوں کی طرف سے پیش کئے مختلف ثقافتی پروگراموں کی ستائش کی ۔ ڈائس پر کوکورآڈنیٹر لیڈیز کمیٹی محترمہ طالعہ معلم موجود تھیں۔
جلسہ کا آغازانجمن انگلش میڈیم ہائرپرائمری اسکول کی طالبہ مریم سہا کی تلاوت قرآن سے ہوا، جس کا ترجمہ اسی اسکول کی طالبہ نجدہ نے پیش کیا۔ اسی اسکول کی طالبہ صفانہ اور ان کے ساتھیوں کی حمد باری تعالیٰ پیش کی۔ انجمن اردو پرائمری اسکول کی طالبات نفیسہ اور ساتھیوں نے ہدیہ نعت پیش کی۔ انجمن نورپرائمر ی اسکول کی عائشہ حنا مٹا نے استقبال کیا تو الفطرہ اسلامک پری اسکول کی عمیمہ نے شکریہ ادا کیا۔ جلسےکے دورانانجمن پرائمری آزاد کی صدرمدرسہ محترمہ شمیم چامنڈی ، انجمن نور کی صدر مدرسہ محترمہ رضمی کوبٹے ، انجمن انگلش میڈیم ہائرپرائمری اور الفطرہ کی صدرمدرسہ محترمہ شہناز جوکاکو ، انجمن تکیہ کی صدر مدرسہ محترمہ رمشا خلیفہ اورانجمن اردو پرائمری کی صدرمدرسہ محترمہ قدسیہ بیگم کی تہنیت کی گئی ۔