بھٹکل انجمن انجنئیرنگ کالج کے پروفیسر اقبال احمد کو پی ایچ ڈی کی ڈگری تفویض
بھٹکل:11؍فروری(ایس اؤ نیوز)انجمن انسٹی ٹیوٹ آف ٹکنالوجی اینڈ مینجمنٹ بھٹکل کے شعبہ الکٹریکل کے پروفیسر اقبال احمد اے کے کو بیلگام کی ویشویشوریا ٹیکنکل یونیورسٹی (وی ٹی یو ) کی طرف سے ڈاکٹریٹ (پی ایچ ڈی ) کی ڈگری تفویض کی گئی ہے۔
اقبال احمد نے ’سافٹ کمپیوٹنگ اپلکیشن فار فورکاسٹنگ اینڈ کنٹرول آف ڈائنامکل سسٹم‘ کے موضوع پرپی اے انجنئیرنگ کالج کے پروفیسر ڈاکٹر محمد فضل عظیم کی رہنمائی میں اپنا مقالہ پیش کیاتھا۔ وی ٹی یو نے اس کی تصدیق کرتے ہوئے انہیں 8فروری کو یونیورسٹی کے کانوکیشن میں ڈاکٹر آف فلاسفی (پی ایچ ڈی ) کی ڈگری سے نوازا۔ ڈاکٹر اقبال احمد پی ایچ ڈی سند یافتہ ہونے پر انجمن انتظامیہ ، کالج پرنسپال، ہم پیشہ ساتھی اور طلبا وغیرہ نے مبارکبادی پیش کی ہے۔
خیال رہے کہ ڈاکٹر اقبال احمد 1998سے انجمن انجنئیرنگ کالج کے شعبہ الکٹریکل اینڈ الکٹرانکس میں بحیثیت پروفیسر خدمات انجام دے رہے ہیں۔ بین الاقوامی جرنلس میں بھی ان کے مضامین شائع ہوئے ہیں اور قومی سطح کے سمینار میں شریک ہوتے ہوئے اپنے مقالوں کو پیش کیا ہے۔