بھٹکل:08؍دسمبر(ایس اؤ نیوز)بھٹکل انجمن ڈگری کالج اینڈ پی جی سنٹر کے دو متعلم بی کام ففتھ سم کے افتخار احمدابن اقبال صاحب  اور بی کام فسٹ سم کے عبدالعزیز ابن عبدالقادربوڈجی کھیل کے میدان میں اپنے بہترین کاکردگی کی بنیاد پر کرناٹکا یونیورسٹی دھارواڑ کی فٹ بال ٹیم کے لئے منتخب ہوتے ہوئے یونیورسٹی بلیو ہونے کا اعزاز پایا ہے۔

3۔4اور 5اکتوبر 2019کو کرناٹکا یونیورسٹی دھارواڑ کے رانی چنما اسٹیڈیم میں یونیورسٹی فٹ بال ٹیم کے لئے سلیکشن رکھا گیا تھا جس میں کرناٹکا یونیورسٹی دھارواڑ سے ملحق کالجوں کے قریب 90طلبا کھلاڑی سلیکشن کیمپ میں شامل ہوئے تھے۔ ان سبھی میں اپنے بہترکھیل مظاہرے کی بنیاد پر افتخار اور بوڈجی نامی انجمن کے طلبا یونیورسٹی ٹیم کے لئے منتخب کئے گئے۔ یہ دونوں طلبا 9سے 18دسمبر 2019تک ریاست تمل ناڈو کے ویلور انسٹی ٹیوٹ آف ٹکنالوجی ویلور میں کھیلے جانے والے آل انڈیا ساؤتھ زون انٹر یونیورسٹی مین فٹ بال ٹورنامنٹ میں کرناٹکا یونیورسٹی کی فٹ بال ٹیم کی نمائندگی کریں گے۔ کالج طلبا کھلاڑیوں کے یونیورسٹی بلیو منتخب ہونے پر انجمن حامئی مسلمین بھٹکل کے عہدیداران ، پرنسپال ، اساتذہ ، فزیکل ڈائرکٹر سمیت بیفا اوربھٹکل  مسلم یوتھ فیڈریشن نے مبارکبادی پیش کی ہے۔