بھٹکل: انجمن ڈگری کالج فور ویمن کے بی اے، بی ایس سی اور بی کام کے فائنل امتحانات میں شاندار نتائج؛ حمنہ ملا ، عائشہ سودا اورخدیجہ ضحیٰ اول نمبر سے کامیاب
بھٹکل :20؍ نومبر(ایس اؤ نیوز)انجمن ڈگری کالج فور ویمن بھٹکل کی طالبات نے بی اے ، بی ایس سی اور بی کام چھٹے سیمسٹرکے سالانہ امتحانات میں شاندار نتائج درج کرتےہوئے کالج اور شہر کا نام روشن کیاہے۔
کالج پرنسپال محترمہ رئیسہ شیخ کی جانب سے جاری اخباری بیان کے مطابق ستمبر اکتوبر 2022میں اکّا مہا دیو ی یونیورسٹی وجئے پورا کی جانب سے منعقدہ 6سم کے امتحانات میں شعبہ بیچلر آف آرٹس میں 94.5فی صد ، شعبہ کامرس میں 94فی صد اور شعبہ سائنس میں 84فی صد نتائج درج ہوئے ہیں۔
بی اے فائنل میں 37 طالبات میں سے 35طالبات کامیاب ہوئی ہیں جس میں 15امتیازی نمبرات کے ساتھ اور13فرسٹ کلاس سے کامیاب ہوئی ہیں۔ حمنہ بنت محمد سمیع اللہ ملا نے 3700میں 3324نمبرات (89.84فی صد) کے ساتھ کالج سطح پر اول نمبر سے کامیاب ہوئی ہیں۔
بی کام میں 77میں سے 72طالبات کامیاب ہوئی ہیں جس میں 35امتیازی، 26فرسٹ کلاس اور 3سکینڈ کلاس کا درجہ پائی ہیں ۔ اس شعبہ میں عائشہ سودا بنت شعیب رکن الدین نے 4200میں سے 3904نمبرات (92.95فی صد) کے ساتھ کالج کی سطح پر اول مقام پر ہیں۔
بی ایس سی میں 53میں سے 45طالبات کامیاب ہوئی ہیں جن میں سے 28امتیازی ،15فرسٹ کلاس اور ایک سکینڈ کلاس سے کامیاب ہوئی ہیں۔ خدیجہ ضحیٰ بنت عبدالرحمن رکن الدین نے 4100میں 3890نمبرات (95.02فی صد) کے ساتھ کالج کی سطح پر اول مقام سے کامیاب ہوئی ہیں۔ انجمن حامئی مسلمین بھٹکل کے عہدیداران ، کالج پرنسپال ، اساتذہ وغیرہ نے کامیاب طالبات کو مبارکباد پیش کی ہے۔
