بھٹکل:12؍ اکتوبر(ایس اؤ نیوز)انجمن کالج فار ویمن بھٹکل کی طالبات نے  پھر ایک بار یونیورسٹی کی سطح پرشعبہ آرٹس  اور سائنس میں ٹاپ 10میں سے  تین تین رینک حاصل کرتےہوئے قوم وملت کا نام روشن کردیا ہے۔ کالج کی طالبات کوآرٹس فیکلٹی میں پہلا، پانچواں اور چھٹا رینک تو سائنس فیکلٹی میں پہلا ، چھٹواں اور ساتواں رینک ملا ہے۔

انجمن کالج پرنسپال کی جانب سے جاری کردہ پریس ریلیز کے مطابق اکّا مہادیوی یونیورسٹی وجئے پوراکی جانب سے سال 2019-20کے نتائج کا اعلان کیاگیا ہے جس میں انجمن کالج بھٹکل کے  شعبہ آرٹس کی طالبہ عائشہ عروج بنت محمد عرفان عجائب نے 3360میں سے 3043(90.57فی صد) نمبرات کے ساتھ پوری یونیورسٹی میں ٹاپ کرتے ہوئے فرسٹ  رینک کی مستحق بنی ہیں تو مخدومہ افرا خان بنت محمد میراں خان نے 3360میں سے 2945(87.65فی صد) کے ساتھ پانچواں رینک اور امیمہ زہیرہ بنت سید جمال سید محی الدینا نے 3360میں سے 2940(87.50فی صد)کے ساتھ چھٹواں رینک حاصل کیاہے۔

کالج کے شعبہ سائنس کی طالبہ عمینہ اناس بنت محمد اسماعیل اکرم نے 3840میں سے 3582(93.28فی صد) شرح کامیابی کے ساتھ یونیورسٹی لیول پر پہلا رینک حاصل کیاہے تو بلقیس مصباح بنت محمد جعفر مصباح نے 3840میں سے 3465(90.23فی صد) نمبرات کے ساتھ چھٹواں اور ندا تبسم بنت عفان احمد سکانے 3840میں سے 3444(89.69فی صد)نمبرات پاتے ہوئے ساتواں  رینک حاصل کرنے میں کامیاب ہوئی ہیں۔

انجمن حامئی مسلمین بھٹکل کے صدر قاضیا مزمل، جنرل سکریٹری اسماعیل صدیق ، ایڈیشنل جنرل سکریٹری اسحق شاہ بندری ، کالج بورڈ سکریٹری ڈاکٹر سلیم سمیت عہدیداران ، پرنسپال، اساتذہ وغیرہ نے طالبات کو مبارکباد پیش کرتےہوئے نیک تمناؤں کا اظہار کیا ہے۔