بھٹکل: ابنائے انجمن کی رجسٹریشن مہم جاری؛ صدسالہ جشن کی اختتامی تقریب کے موقع پر29 ڈسمبر کو منایا جائے گاانجمن الومنی ڈے ؛ انجمن سے فارغ حضرات توجہ دیں
بھٹکل 27 نومبر (ایس او نیوز) انجمن حامئی مسلمین بھٹکل کے زیراہتمام کسی بھی اسکول یا کالج میں کم ازکم ایک سال تعلیم حاصل کرنے والا یا کرنے والی ابنائے انجمن یا انجمن الومنی کہلائے گا۔ اس وقت ملک کے مختلف شہروں سمیت گلف کے شہروں میں انجمن الومنی کی ممبر شپ رجسٹریشن مہم تیزی کے ساتھ جاری ہے اور انجمن سے فارغ ہونے والوں کو ممبرشپ فارم کےذریعے رجسٹرڈ ممبرس بنایا جارہا ہے۔ اس بات کی اطلاع انجمن الومنی ڈے کمیٹی کے کنوینر جناب محمد اشفاق سعدا نے دی۔ جناب اشفاق سعدا نے بتایا کہ قومی تعلیمی ادارہ انجمن کی صدسالہ جشن کی اختتامی تقریب مورخہ 28 ڈسمبر کو رکھی گئی ہے، جبکہ اگلے روز یعنی 29 ڈسمبر کو انجمن الومنی ڈے منایا جائے گا۔
انجمن الومنی ڈے کے موقع پر مختلف پروگرام ترتیب دیئے جارہے ہیں، مہمانوں کے تعلق سے حتمی فیصلہ ابھی نہیں لیا گیا ہے، البتہ انجمن الومنی ڈے کے موقع پر انجمن الومنی کے وہ ممبرس جو اعلیٰ اور کلیدی عہدوں پر فائز ہے یا کسی اہم منصب پر رہ کر ملک و قوم یا ادارہ انجمن کا نام روشن کررہے ہیں تو ایسے لوگوں کی نشاندہی کرکے اُنہیں تہنیت دینے کے تعلق سے سوچا جارہا ہے۔ اسی طرح انجمن الومینائی کی انجمن کے اداروں میں زیر تعلیم طلبہ ، انجمن کے اساتذہ اور انجمن مینجمنٹ کے ساتھ الگ الگ نشست رکھنے کے تعلق سے بھی غور کیا جارہا ہے تاکہ الومینائی کی طرف سے انجمن ادارہ کی ترقی کے تعلق سے مثبت قدم اُٹھایاجاسکے۔ جناب اشفاق سعدا نے بتایا کہ الومنی ڈے کے موقع پر کوئیز مقابلہ اور تفریحی پروگرام رکھے جانے کے تعلق سے بھی غور کیا جارہا ہے تاکہ پروگرام کو یادگار بنایاجاسکے۔ اس تعلق سے انجمن الومینائی بھی اپنی رائے اور تجاویز پیش کرسکتے ہیں۔
انجمن الومنی ڈے کے نائب کنوینر جناب جاوید حُسین آرمار نے بتایا کہ دنیا کے کونے کونے میں انجمن سے فارغ لوگ موجود ہیں، اس بار پہلی مرتبہ اُنہیں ایک پلیٹ فارم پر لانے کی کوشش کی جارہی ہے، اور ممبرشپ ڈرائیو کے ذریعے اُنہیں قریب لانے کی کوشش ہورہی ہے۔ انجمن الومینائی کو مضبوط اور پائیدار بنانے کے لئے انجمن الومنی کا ایک مستقل دفتر بھی قائم کرنے کا منصوبہ ہے۔ تاکہ ممبران ہمیشہ ربط میں رہے اور مختلف موقعوں پر انجمن الومینائی کی تقریب رکھی جاسکے۔
بتاتے چلیں کہ سوسال قدیم انجمن حامئی مسلمین کے تحت بھٹکل میں سات پرائمری اور پانچ ہائی اسکول سمیت جملہ 20 تعلیمی ادارے چل رہے ہیں جس میں انجینرنگ، ایم اے، بی ایڈ، ایم بی اے ، ڈگری سبھی طرح کے کالجس شامل ہیں۔ اب تک اس ادارے سے لاکھوں لوگ تعلیم کے زیورسے آراستہ ہوکر دنیا کے مختلف ملکوں میں پھیلے ہوئے ہیں۔ یو ایس، اسٹریلیا، لندن سمیت دبئی، سعودی عربیہ و دیگر گلف شہروں میں انجمن سے فارغ لوگ چھوٹے سے لے کر کئی اہم اور کلیدی عہدوں پربھی فائز ہیں۔ ایک طرف بینگلور کی آئی ٹی کمپنیوں میں انجمن سے فارغ کئی لوگ اہم پیشہ سے منسلک ہیں تو وہیں بھٹکل اور مینگلور سمیت بنگلور ہائی کورٹ میں بھی کئی وکیل انجمن کے فارغ ہیں۔ انجمن سے فارغ ہونے والوں میں ڈاکٹرس،انجینرس، سی اے یہاں تک کہ ایم ایل اے ، سیاسی لیڈرس اور صحافی بھی شامل ہیں۔
انجمن الومنی کے رجسٹریشن کے تعلق سے جانکاری یا انجمن الومنی ڈے تقریب کے تعلق سےرائے مشورہ کے لئے بھٹکل میں جناب جاوید حُسین آرمار(موبائل نمبر: 9900158451)، جناب محمد یوسف کولا (موبائل نمبر: 9886447244) یا جناب محمد اسماعیل جوباپو( موبائل نمبر: 9845008587) سے رابطہ کرسکتے ہیں۔مینگلور میں جناب آفتاب حُسین کولا ( موبائل نمبر: 9743411360) ، بینگلور میں جناب ربیع رکن الدین (موبائل نمبر: 9886839739)، جناب مصعب عابدہ (موبائل نمبر: 9886229761) یا مُبین جوکاکو (موبائل نمبر: 9945244392)، دبئی میں کمیٹی کے کنوینر جناب محمد اشفاق سعدا (موبائل نمبر:971585963060+) ، جناب جیلانی محتشم (موبائل نمبر: 971505584203+) یا عماد پیشمام (موبائل نمبر: 971528285486+) ، جدہ میں جناب محمد قمر سعدا ( موبائل نمبر966504683753+) اور دمام میں جناب ارشد کاڈلی (موبائل نمبر: 966502798022+ ) یا جاوید کولا (موبائل نمبر: 966505855785+) سے رابطہ کرسکتے ہیں۔
انجمن الومنی ممبرشپ کے لئے اپنا نام رجسٹرڈ کرنے کے لئے نیچے فارم کی لنک دی جارہی ہے، اس پر کلک کرکے فارم کو پُر کرکے راست ممبر بن سکتے ہیں:
