بھٹکل:3؍ اپریل(ایس اؤ نیوز)انجمن حامئی مسلمین بھٹکل کے زیر سرپرست  انجمن انسٹی ٹیوٹ آف ٹکنالوجی اینڈ مینجمنٹ بھٹکل کے دو پروفیسر حضرات پروفیسر الطاف مدھول اور پروفیسر شری دھر یلُّوکار کو بیلگام کی وشویشوریا ٹیکنکل یونیورسٹی کی طرف سے پی ایچ ڈی کی ڈگریاں تفویض کی گئی ہیں۔

بروز سنیچر 3اپریل 2021کو بیلگام میں یونیورسٹی کے ڈاکٹر اے پی جی عبدالکلام ہال ’’علمی سنگم ‘‘میں منعقدہ یونیورسٹی کانویکیشن میں یونیورسٹی چانسلر پروفیسر کری سِدَّپا کے ہاتھوں  انجمن کے دونوں پروفیسر حضرات کو تحقیق مکمل کرنےپر اسناد تفویض کی گئیں۔

انجمن انسٹی ٹیوٹ آف ٹیکنالوجی بھٹکل کے شعبہ الکٹریکل اینڈ الکٹرانیکس انجنئیرنگ سائنس کے پروفیسر الطاف مدھول کی طرف سے ’’Power Electronics interface unit controller for a stand-alone photo voltaic solar system‘‘ کے موضوع پر پیش کئے تحقیقی مقالے کو یونیورسٹی نے قبول کرتےہوئے پی ایچ ڈی کی ڈگری تفویض کی ہے۔ اسی طرح شعبہ سول انجنئیرنگ کے شری دھر ماروتی یلوکار نے ’’Characterization of groundwater resources and irrigated agriculture in coastal region of Uttar Kannada District Karnataka‘‘ موضوع پر اپناتحقیقی مقالہ پیش کیا تھا جس پر یونیورسٹی نے انہیں پی ایچ ڈی کی ڈگری عطا کی ہے۔ اس موقع پر انجمن حامئی مسلمین بھٹکل کے صدر، جنرل سکریٹری سمیت عہدیداران ،انجنئیرنگ کالج کے پرنسپال سمیت اساتذہ اور دیگر حضرات نے انہیں مبارکبادی پیش کی ہے۔