بھٹکل کی انفا ٹیم لبیک نوائط ٹروفی چمپئین:فائنل میں بہترین بیاٹنگ اور شاندار بولنگ کا مظاہرہ
بھٹکل:17؍جنوری (ایس او نیوز) لبیک نوائط اسوسی ایشن بھٹکل کے زیرا ہتمام منعقد کئے گئے کرکٹ ٹورنامنٹ کے فائنل میں انفا بھٹکل نے بہترین گیندبازی کا مظاہرہ کرتے ہوئے میزبان ٹیم لبیک نوائط بھٹکل کو 29رنوں سے شکست دے کر’ نوائط ٹروفی 2019‘کا خطاب جیتا۔
جمعرات 17جنوری 2018کو تعلقہ اسٹیڈیم (وائی ایم ایس اے گراؤنڈ) میں کھیلے گئے دلچسپ فائنل میچ میں بہترین بلے بازی اور شاندارگیندبازی دیکھنے کوملی۔ پہلے بیاٹنگ کرتے ہوئے انفا کی طرف سےدھماکے دار شروعات ہوئی ۔ سید عمران لنکا27رن، عبدالباری 42رن، شیبان جاکٹی 35رن اور عبدالباقی کھروری 28رن کے تعاون سے انفا نے 20اوور میں 197کا بڑا اسکورکھڑا کیا۔
197کے اسکور کا پیچھا کرتے ہوئے لبیک نوائط بھٹکلنے بیاٹنگ شروع کی ۔ لبیک کی طرف سے الطاف جوشیدی نے 29گیندوں میں 5سکس اور 3چوکوں کی مدد سے شاندار ہاف سنچری بنائی ۔ مگر انفا کی بہترین بالنگ کے چلتے لبیک نوائط بھٹکل نے 20اوورس میں 9وکٹ کھو کر 168رنوں پر سمٹ گئی ۔ انفا کی طرف سے مرتضیٰ برماور نے 4اوور میں 26رن دے کر 3وکٹ، سرفرازجاکٹی نے 3اوور میں 15رن دے کر 2وکٹ کاحاصل کرنا انفا کی جیت میں اہم رول اداکیا۔
چمپئین انفا کو 50ہزار روپئے نقد مع ٹروفی اوررنراپ لبیک نوائط بھٹکل کو 35ہزارروپئے نقد مع ٹروفی سے نوازاگیا۔ اختتامی تقریب میں گلریز شباب کو مین آف دی ٹورنامنٹ سے سرفراز ہوئے تو لائن اسپورٹس سنٹر کو فئیر پلے ایوارڈ عطاہوا۔ اسی طرح لبیک نوائط کے گلریز شباب اور الہلال اسوسی ایشن کے محمد زہیب کو بالترتیب گرین کیپ اور بلیو کیپ عطاہوئی۔ تقریب میں اسوسی ایشن کے سنئیر ممبران عبداللہ کاظمی ، یونس پلور، عبدالستار لنکا، انورنائطے ،ایس ایم سلیم اور سجاد کولا کی تہنیت کی گئی ۔ خیال رہے کہ 17دنوں تک چلے ٹورنامنٹ میں کل 20ٹیموں نے شرکت کی تھی ۔
اختتامی تقریب میں بھٹکل ڈی وائی ایس پی ولنٹائن ڈیسوزا ، مجلس اصلاح وتنظیم کے جنرل سکریٹری الطاف محی الدین کھروری ، بھٹکل مسلم یوتھ فیڈریشن کے صدر امتیاز ادیاور، لبیک نوائط بھٹکل کے صدر موسیٰ نائطے ،لبیک نوائط بھٹکل کے جنرل سکریٹری مولانا عبدالاحد فكردے ندوی، لبیک نوائط بھٹکل کے نائب صدر مبین دامودی ، سلیم کولا، عبدالرووف نائطے، مولوی عزیز الرحمن رکن الدین ، یحییٰ شاہ بندری ، عبیدا للہ خطیب ، نجیب شاہ بندری ، اسماعیل پلور، متین ایس کے وغیرہ موجود تھے۔
فائنل اسکور : انفا 20اوور میں 8وکٹ پر 197رن۔ عبدالباری 42،سید عمران لنکا 27،شیبان جاکٹی 35،عبدالباقی 28 ۔ عطااللہ 21رن دے کر 2وکٹ۔ گلریز شباب 25رن دے کر 2وکٹ۔
لبیک نوائط : 20اوور میں 9وکٹ پر 168رن۔ الطاف جوشیدی 53۔ شہاب الدین 22،جاسر 22۔ مرتضیٰ 26رن دے کر 3وکٹ اور سرفراز 15رن دے کر 2وکٹ۔
