بھٹکل آنند آشرم کانونٹ میں کنڑازبان اور ثقافت کے متعلق تعلقہ سطح کے ہائی اسکول طلبا کے درمیان کوئزمقابلے کا انعقاد : شری ولی ہائی اسکول چتراپور اول
بھٹکل:08؍دسمبر(ایس اؤ نیوز)آنند آشرم کانونٹ پی یو کالج بھٹکل اور تعلقہ پرارتھنا پرتشٹھان کے اشتراک سے بھٹکل تعلقہ سطح کے ہائی اسکول طلبا کے درمیان کنڑا زبان اور ریاستی ثقافت کے متعلق ’تھٹ انت ھیلی‘(فوری کہو) کوئز مقابلہ کا انعقاد ہوا۔
پرتشٹھان کے سابق ممبر وینکٹیش نائک آسارکیری نے کوئز مقابلے کا افتتاح کرنےکے بعد خطاب کرتے ہوئے کہاکہ کوئز مقابلوں کے انعقاد سے طلبا کے جنرل نالج سے اضافہ ہوتاہے اور انہیں مسابقاتی امتحانات کی تیاری میں آسانی ہونےکی بات کہی۔ مہمان خصوصی کی حیثیت سے اترکنڑا ضلع ورکنگ جرنلسٹ اسوسی ایشن کے صدر رادھا کرشنا بھٹ نے خطاب کرتے ہوئے کہاکہ مقابلوں سے طلبا کے درمیان ایک صحت مند مقابلہ کی خواہش پیدا ہوتی ہے، انگلش میڈیم اسکول میں کنڑازبان پر کوئز مقابلہ کا اہتمام قابل ستائش ہونےکی بات کہی۔ کالج کی پرنسپال سسٹر تھریسا سیرا نے تقریب کی صدارت کی۔ ڈائس پر نائب پرنسپال پالے سسٹر ٹرسیلا ڈیملو، پرائمری اسکول کی صدر مدرسہ سسٹر سریتا تھوریس ، الویکوڑی درگاپرمیشوری ہائی اسکول کے صدر مدرس کے بی مڈیوال موجود تھے۔
کوئز مقابلوں میں شرالی کی شری ولی ہائی اسکول چتراپور اول، ودیا بھارتی ہائی اسکول اور آنند آشرم ہائی اسکول دوم اور سرکاری ہائی اسکول تیرن مکی نے سوم مقام حاصل کیا۔ کوئزمقابلےمیں تعلقہ کے 9ہائی اسکول سے طلبا و طالبات نے شرکت کی۔ کوئز مقابلوں میں جیت حاصل کرنے والوں کے درمیان پرارتھنا پرتشٹھان کے صدر گنگادھر نائک نے انعامات کی تقسیم کی۔