بھٹکل میں عبدالباری مولانا ٹرسٹ کی دوسری ایمبولینس کا افتتاح، رات کے کسی پہر میں بھی فون کرنے پر ایمبولنس کی خدمات دستیاب

Source: S.O. News Service | By I.G. Bhatkali | Published on 22nd August 2020, 6:14 PM | ساحلی خبریں | ان خبروں کو پڑھنا مت بھولئے |

بھٹکل 22 اگست (ایس او نیوز)    مولانا عبدالباری ٹرسٹ (اے بی ایم) کی دوسری ایمبولنس کا  خوبصورت  افتتاح کیا گیا جس کے  دوران    ایک مختصر تقریب  جمعہ    بعد نماز عصر  جامع   اسٹریٹ میں منعقد کی گئی تھی  جس میں دبئی کے معروف تاجر اور  قومی سماجی ادارہ مجلس اصلاح و تنظیم کے نائب صدر عتیق الرحمن مُنیری مہمان  خصوصی کے طور پر موجود تھے۔

ایمبولنس کے تعلق سے معلومات فراہم کراتے ہوئے ٹرسٹ کے سکریٹری مولوی عبدالخالق دامودی نے بتایا کہ گذشتہ چار سالوں سے  بالکل مناسب اور رعایتی  کرایہ پر ایمبولنس  اپنی خدمات فراہم کررہی ہے، اب جناب عتیق الرحمن مُنیری نے  اپنی جانب سے  نئی ایمبولنس اس ٹرسٹ کو فراہم کیا ہے جس میں  اکسیجن سمیت دیگر سہولیات   موجود  ہے۔انہوں نے جناب عتیق الرحمن مُنیری کا شکریہ ادا کرتے ہوئے بتایا کہ اب  ہم کوشش کررہے ہیں کہ اس ایمبولنس میں منی وینٹی لیٹر  کی بھی سہولت فراہم کی جائے۔ عبدالخالق نے بتایا کہ  بھٹکل میں کورونا لاک ڈاون کے دوران  ٹرسٹ کی طرف سے دو ماہ تک ایمبولنس کی بالکل مفت سروس فراہم کی گئی تھی جبکہ مریضوں کو  مقامی اسپتالوں تک  پہنچانے کے لئے پہلے سے غریب اور نادار  لوگوں کے لئے فری سروس فراہم کی جارہی ہے۔  اے بی ایم کی طرف سے فراہم کی جارہی خدمات سے  مسلم غیر مسلم سبھی  مستفید ہورہے ہیں ۔ انہوں نے ایمبولنس کی ضرورت پڑنے پر  ان سے موبائل نمبر 9902300950 پر رابطہ کرنے کی درخواست کی۔ اسی طرح انہوں نے کہا کہ  ایمبولنس ڈرائیور محمد شبیر حوّا   سے 9449269523 پر بھی رابطہ کرکے ایمبولینس کی خدمات حاصل کرسکتے ہیں۔خیال رہے کہ  بھٹکل میں سرکاری 108 ایمبولنس پر میتوں کو  لے جانے کی اجازت نہیں ہے، مگر  عبدالباری مولانا   ایمبولنس پر میتوں کو بھی  ایک جگہ سے دوسری جگہ  لے جاسکتے ہیں۔

ایمبولنس کی افتتاحی تقریب  کے موقع پر  جماعت المسلمین کے صدرجناب جان عبدالرحمن محتشم، مرکزی خلیفہ جماعت المسلمین کے قاضی  مولانا خواجہ معین الدین اکرمی مدنی، جامعہ اسلامیہ کے صدر  مولوی  عبدالعلیم قاسمی،  جامعہ اسلامیہ کے مہتمم مولانا مقبول کوبٹے ندوی، جامع مسجد کے خطیب مولانا عبدالعلیم خطیب ندوی، مولانا علی میاں ندوی اسلامک اکیڈمی کے جنرل سکریٹری اور آل انڈیا مسلم پرسنل لاء بورڈ کے رکن مولانا الیاس جاکٹی ندوی،  جےڈی ایس صدر  عنایت اللہ شابندری سمیت  دیگر کئی ذمہ داران  موجود تھے۔ جنہوں نے  اپنے  اپنے خیالات کا اظہار کرتے ہوئے  جناب عبدالخالق سمیت ٹرسٹ کے صدر جناب امتیاز اُدیاور کی خدمات کی سراہنا کرتے ہوئے کہا کہ رات کے کسی پہر میں بھی فون کرنے پر ان کی ایمبولنس وقت پر پہنچ جاتی ہے، اگر ڈرائیور دسیتاب  نہیں ہے تو خود ٹرسٹ کے  سکریٹری عبدالخالق صاحب بھی ایمبولنس لے کر پہنچ جاتے ہیں ۔ اس دوران مرحوم مولانا عبدالباری ندوی کی خدمات کو بھی یاد کیا گیا اور ان کی کئی ایک صفات کا تذکرہ کرتے ہوئے اُن کو اپنی زندگی میں   اپنانے پر زور دیا گیا مہمانان نے مولانا مرحوم   کے لئے  مغفرت کی دعائیں بھی کیں۔

 

ایک نظر اس پر بھی

بھٹکل میں محکمہ جنگلات کے دفتر کے باہر اتی کرم داروں نے کیا احتجاجی مظاہرہ

بھٹکل تعلقہ کے جالی پنچایت، ہیبلے پنچایت اور دوسرے علاقوں میں کل محکمہ جنگلات کےافسران اور عملے نے اتی کرم  جگہوں پر تعمیرات روکنے اور قبضہ خالی کروانے کی جو مہم چلائی تھی اس کے خلاف بھٹکل محکمہ جنگلات کے دفتر کےسامنے اتی کرم داروں نے احتجاجی مظاہرہ کیا۔

کاروار میونسپالٹی صدر ،نائب صدر انتخاب: بی جے پی امیدواروں کی حمایت کریں گے جنتادل اور آزاد اراکین !

کاروار سٹی میونسپل کاؤنسل (سی ایم سی ) کے لئے صدر اور نائب صدر کا انتخاب یکم نومبر کو منعقد ہونے والا ہے  اور  4جنتادل ایس کےاور2  آزاد اراکین  کی طرف سے ان عہدوں پر بی جے پی امیدواروں کو باہر سے حمایت دینے کا اعلان کیا گیا ہے۔