بھٹکل:07؍دسمبر(ایس اؤ نیوز)آنگن واڑی ملازمین اپنی مختلف مانگوں کو لے کر 10دسمبر سے غیر معینہ احتجاج شروع کررہے ہیں، اس سلسلے میں بھٹکل آنگن واڑی کارکنان بھی اپنے کام کاج کو بند رکھنےکو لے کر بھٹکل آنگن واڑی کارکنان سنگھ کے عہدیداران نے سنیچر کو محکمہ خواتین و اطفال کے افسران کو جانکاری پر مبنی میمورنڈم سونپا۔
میمورنڈم میں جانکاری دی گئی ہےکہ 10دسمبر کو شروع ہونے والے احتجاج کی مناسبت سے تمکور سے بنگلورو تک آنگن واڑی کارکنان کی پیدل یاتراہوگی۔ جس میں بھٹکل کے آنگن واڑی کارکنان بھی شریک ہورہے ہیں، جس کی بنا پر آنگن واڑی مراکز کے دروازوں کو کھولنا ہمارے لئے ممکن نہیں ہونےکی بات کہی گئی ہے۔ سی ڈی پی اؤ کی غیر موجودگی میں افسر رابعہ نے میمورنڈم وصول کیا۔ اس موقع پر آنگن واڑی سنگھ کی صدر پشپاوتی نائک، سدھابھٹ، کویتا نائک، پدماوتی ہوسمنے ، منگلا نائک، وجیا شٹی، لیلا نائک وغیرہ موجود تھیں۔