بھٹکل 28/جنوری (ایس او نیوز)شہریت ترمیمی قانون سی اے اے کے خلاف احتجاج کے طور پر بہوجن کرانتی مورچہ کی طرف سے 29جنوری کو ’بھارت بند‘ منانے کی آواز دی گئی ہے۔ اس پس منظر میں مجلس اصلاح و تنظیم نے اس بند کی حمایت کا اعلان کیا ہے۔اور بھٹکل و اطراف کے کاروباری حضرات اور عوام سے اپیل کی ہے کہ اس بند کو کامیاب بنانے کے لئے مکمل تعاون کریں۔

تنظیم کے ذمہ داران نے عوام سے کہا ہے کہ کل تمام تجارتی اور تعمیراتی سرگرمیاں پوری طرح بند رکھیں۔تعلیمی اداروں کے ذمہ داران سے بھی اپیل کی گئی ہے کہ اسکول، کالج اور مدرسوں کو بندرکھا جائے۔اس کے علاوہ خواتین سے بھی گزارش کی گئی کہ وہ اپنے گھروں سے باہر نہ نکلیں۔