بنگلورو کے ڈی جے ہلی اور کے جی ہلی تشدد میں گرفتار نوجوانوں کی رہائی کیلئے کوشش تیز

Source: S.O. News Service | Published on 4th April 2021, 11:11 AM | ریاستی خبریں |

بنگلورو،4؍اپریل(ایس او  نیوز)بنگلورو کے ڈی جے ہلی اورکے جی ہلی پولیس تھانوں کی حدود میں ہوئے تشدد کے سلسلہ میں گرفتار نوجوانوں کے خلاف پولیس حکام کی طرف سے درج تقریباً 2ہزا رمقدمات میں سے اب تک صرف 634مقدمات میں ضمانت ملنے کے بعد ان نوجوانوں کو شورٹی دی گئی ہے اور ان کی رہائی ہو سکی ہے، مزید 1300سے زائد مقدموں میں پھنسے نوجوانوں کو اب تک نوجوانوں کیلئے شورٹی کا انتظام نہیں ہوا ہے، امید ہے کہ ان تمام کیلئے شورٹی کا انتظام جلد ہو جائے گا۔ یہ بات سکیولر اڈوکیٹس فرنٹ کے عہدیداروں نے کہی۔

ایک اخباری کانفرنس سے خطاب کرتے ہوئے فرنٹ کے صدر اشتیاق احمد، نائب صدر عشرت اللہ، سکریٹری شاہ الحمید،مظفر احمد،سید ضیاء اللہ، سراج الدین اور دیگر وکلاء نے کہا کہ اب تک فرنٹ کی طرف سے نوجوانوں کی رہائی کے ساتھ ساتھ ان کی رہائی کے لئے شورٹی کے انتظام میں رہنمائی کی خدمت جاری ہے، آنے والے دنوں میں بھی اس کوشش کو آگے بڑھایا جائے گا۔

انہوں نے بتایا کہ اس تشدد کے سلسلہ میں یو اے پی اے قانون کے تحت جن نوجوانوں پر مقدمے دائر کئے گئے ہیں ان میں سے 40سے زائد افراد کے خلاف مقدمات باقی ہیں اور ان میں سے فرنٹ کی طرف سے 19کی ضمانت کے لئے جدوجہد کی جا رہی ہے۔ ایس سی ایس ٹی قانون کے تحت جن نوجوانوں کو مقدمہ درج کیا گیا ہے اس پر بھی وکیلوں کی طرف سے قانونی جدوجہد جاری ہے۔

انہوں نے کہا کہ گرفتار شدہ نوجوانوں کی تعداد بھلے ہی 470کے آ س پاس ہے لیکن ان نوجوانوں میں سے بہت سارے نوجوانوں پر 15تا30مقدمات درج کئے گئے ہیں جب تک ان تمام مقدمات میں ان کو ضمانت نہیں مل جاتی ا ن کی رہائی نہیں ہو سکے گی۔ ان نوجوانوں کی رہائی جلدی ہو چکی ہے جن پرمقدمات کی تعداد کم ہے، لیکن ان کی رہائی اب بھی چیلنج بنی ہوئی ہے جن پر مقدمات کی تعداد 15یا اس سے زیادہ ہے، کیونکہ ان کی ضمانت کے لئے قانونی جدوجہد طویل ہونے والی ہے۔ اس کے باوجود یہ کوشش ہو رہی ہے کہ رمضان تک ان تمام نوجوانوں کو رہائی مل سکے۔ لیکن سارا دارومدار عدالتی کارروائی پر منحصر ہے۔یو اے پی اے اورایس سی ایس ٹی قوانین کے تحت درج الگ الگ مقدمات کی سماعت پیر کے روز ہونے والی ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔