بنگلورو تشدد: اے ٹی ایس بھی جانچ میں جٹ گئی، حکم امتناعی میں21؍ اگست تک توسیع

Source: S.O. News Service | Published on 19th August 2020, 12:19 PM | ریاستی خبریں |

بنگلورو،19؍اگست (ایس او نیوز؍ایجنسی) بنگلورو میں 11؍ اگست کو پھوٹ پڑنے والے تشددکے بعد مقامی افراد کیلئے  جینا دوبھر ہوگیا ہے۔ ایک طرف یہاں اقلیتی فرقے کے افراد پر ہر وقت گرفتاری کا خوف طاری ہے تو دوسری جانب حکم امتناعی  کے سبب ضروریات  زندگی کی تکمیل بھی مشکل ہوتی جارہی ہے۔ منگل سے راحت ملنے کی امید تھی مگر حکم امتناعی میں 21؍ اگست تک توسیع کردی گئی ہے۔ ا س بیچ  اس معاملے میں تفتیش کاروں نے دہشت گردی کا  زاویہ بھی ڈھونڈ نکالاہے جس کے بعد اے ٹی ایس بھی متوازی جانچ میں جٹ گئی ہے۔ 

اے ٹی ایس نے تفتیش شروع کردی:  کرائم برانچ کی اسپیشل ٹیم  کے ذریعہ بنگلورو تشدد کی جانچ میں ایس ڈی پی آئی کا نام سامنے آنے کے بعد سے ہی اے ٹی ایس چوکس ہوگئی تھی۔  تاہم سمیع الدین کی گرفتاری کے بعد وہ متوازی جانچ میں مصروف ہوگئی ہے۔ تفتیش کاروں کے مطابق  وہ آر ایس ایس کارکن رُدریش  کے قتل کے ایک ملزم سے رابطے میں تھا جس کا تعلق مبینہ طور پر الہند نامی تنظیم سے ہے۔  اے ٹی ایس اب سمیع الدین کی تحویل حاصل کرکے  اس سے پوچھ تاچھ کریگی۔ 

ایس ڈی پی آئی پر شکنجہ:  اس بیچ کرائم برانچ کی ٹیم نے پیر کو ایس ڈی پی آئی کے دفتر پر اچانک چھاپہ مار کر اس کے کئی کارکنوں کو گرفتار کرلیا اور اسلحہ ضبط کرنے کا دعویٰ  بھی کیا۔  یہاں سے مجموعی طور پر 8؍ افراد کو گرفتار کیاگیاہے۔ واضح رہے کہ تشدد کے دوسرے دن سے ہی بنگلو رو پولیس    ایس ڈی پی آئی  کے رول کی جانچ کررہی ہے۔ گرفتار شدگان میں ایس ڈی پی آئی کے کارکنوں کی خاصی تعداد ہے۔

مقامی افراد کو دقتوں کا سامنا:  اس بیچ جہاں مقامی افراد کی اس شکایت پر کوئی کان دھرنے کو تیار نہیں ہے کہ پولیس بے جا گرفتاریاں کررہی ہے وہیں حکم امتناعی میں11؍  اگست سے مسلسل توسیع کی وجہ سے مقامی افراد کو شدید دشواریوں کا سامنا ہے۔   بنگلورو مرر کی ایک رپورٹ کے مطابق پابندیوں کی وجہ سے لوگوں کو ضروریات زندگی پوری کرنے میں بھی دشواری ہورہی ہے۔  اخبار کے مطابق کچھ لوگوں کو  پینے کا پانی  بھی دور سے لانا ہوتا ہے اور پابندی کے سبب وہ پانی  نہیں لاپارہے ہیں ۔ اسی طرح اچانک حکم امتناعی کے سبب گھروں میں  غذائی اجناس کی قلت کا بھی لوگوں کو سامنا کرنا پڑرہاہے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔