بنگلورو،10؍اگست(ایس او نیوز)شہربنگلورمیں کورونامتاثرین ودیگرمریضوں کواسپتال اور کووِڈکیرسنٹرلے جانے کے لیے 665؍ایمبولنس فراہم کئے گئے ہیں۔ اس بات کی اطلاع ریاستی وزیرطبی تعلیم ڈاکٹرکے سدھاکر نے دی۔ انہوں نے کہا کہ وزیراعلیٰ بی ایس ایڈی یورپا کی ہدایت کے مطابق شہرکے لیے 665؍ایمبولنس فراہم کئے گئے ہیں۔ اس کی تفصیل دیتے ہوئے انہوں نے کہا کہ بی بی ایم پی کے نارتھ زون کے لیے 127، ایسٹ زون کے لیے 141، ساؤتھ زون کے لیے 110؍اورراجیشوری نگرکے لیے40، بمنہلی کے لیے 43، مہادیوپورکے لیے52، داسرہلی کے لیے 24 اور یلہنکاکے لیے 33؍ ایمبولنسوں کی سہولت فراہم کی گئی ہے۔ انہوں نے کہا کہ محکمہ پولیس کی جانب سے 11اور بنگلورضلع انتظامیہ کی طرف سے 84؍ایمبولنس کی سہولت دی گئی ہے۔اس موقع پرانہوں نے کمارسوامی لے آؤٹ میں واقع ساگر پرائیویٹ اسپتال کوسخت انتباہ دیتے ہوئے کہا کہ دودنوں سے جس میت کورکھ کرلواحقین کوستایاجارہاہے،وہ بندکریں اور میت فوری طورپر لواحقین کے حوالے کریں۔ معلوم رہے کہ ساگراسپتال والوں نے اس میت کے رشتہ داروں کو9؍لاکھ روپے اسپتال کی فیس اداکرنے کے بعد میت لے جانے کے لیے کہا تھا۔جس پروزیرطبی تعلیم نے برہمی ظاہرکرتے ہوئے فوری میت کوحوالے کرنے کی ہدایت دی ہے۔