بنگلورو،24؍مئی(ایس او نیوز)مرکزی رو ئیت ہلال کمیٹی کر نا ٹک کے رکن مولانا محمد مقصود عمران رشادی نے یہ اطلاع دی ہے کہ آج مؤرخہ29 رمضان المبارک 1441ھ م 23مئی 2020 ؁ ء بروز ہفتہ مرکزی رؤیت ہلال کمیٹی کرناٹک،بنگلورو کا ماہانہ اجلاس زیر صدارت حضرت مولانا صغیر احمد خان صاحب رشادی کنوینر مرکزی رو ئیت ہلال کمیٹی امیر شریعت ریاست کر نا ٹک بعد نماز مغرب دفتر الاوقاف کنگھم روڈ معسکر بنگلور ومیں منعقد ہوا۔ شہر میں مطلع جزوی بر آلود تھاچاند نظر نہیں آیا۔ ریاست کے دوسرے اضلاع بالے ہنور ہبلی، گدگ ، چکبالاپور، رائچور اور  چکمگلورو میں بھی چاند نظر نہیں آیا بیرون ریاست دہلی،لکھنو، پٹنہ، پالن پور ،گجرات، میوات ،چنئی، آسام،  وجے واڈہ ، حیدرآباد ، الہ آباد، کانپور، جونپور و غیرہ میں بھی عدم رؤیت کی اطلاع ملی ہیں لہٰذا علمائے کرام نے متفقہ طور پر فیصلہ فرمایا کہ یکم شوال المکرم1441ھ م25 مئی 2020؁ ء بروزپیر ہے-