بنگلورو،24؍نومبر (ایس او نیوز) بنگلور ومیٹرو پالیٹن ٹرانسپورٹ کارپوریشن (بی ایم ٹی سی) کی جانب سے بی ایم ٹی سی بسوں میں بغیر ٹکٹ سفرکرنے والے مسافروں سمیت مختلف معاملات میں اکتوبر میں 3,675مسافروں سے کل 7.1لاکھ روپئے جرمانہ وصول کیاگیا ہے۔

بی ایم ٹی سی کی جانب سے جاری ایک اخباری بیان میں بتایا گیا کہ بسوں کے منافع میں کمی کا پتہ لگانے کارپوریشن کی تحقیقاتی ٹیم نے گزشتہ ماہ شہر بھرمیں 18,079ٹرپس کے دوران جانچ کی۔

ذرائع نے بتایا کہ جانچ کے دوران3,498مسافروں کا پتہ لگایا گیا جنہوں نے بغیرٹکٹ سفرکیا اور6.92لاکھ روپئے جرمانہ وصول کیاگیا۔ اسکے علاوہ بسوں میں فرض سے کوتاہی برتنے کے الزام میں کنڈکٹروں کے خلاف 1,680معاملات درج کئے گئے اورخواتین کے لئے مختص سیٹوں پر بیٹھ کر سفرکرنے والے مرد مسافروں سے 17,700روپئے جرمانہ وصول کیاگیا۔