بنگلورو، 5؍فروری (ایس او نیوز؍ایجنسی ) کرناٹک پولیس نےانسٹاگرام ہینڈل کا استعمال کر کے معصوم نوجوان خواتین کو پھنسانے کے الزام میں ایک شخص کو گرفتار کرلیا ہے جس کی  شناخت  پرساد کے طورپر کی گئی ہے جو بنگلورو کے کورامنگلا کا رہنے والا ہے۔بتایا گیا ہے کہ  اس نے ایک پرائیویٹ کمپنی کے ساتھ کام کیا اور پانچ انسٹاگرام اکاؤنٹس رکھے، ان میں سے اکثر میں ایک خاتون اور منیجر کا روپ دھار کر۔ وہ خواتین سے بات چیت کرتا تھا اور دعویٰ کرتا تھا کہ وہ انہیں ان کمپنیوں میں ملازمتیں دلا سکتا ہے جہاں اس کے ’رابطے‘ ہیں۔  خواتین اس کی باتوں پر یقین کر کے وہ ان جگہوں پر پہنچ گئیں جہاں اس نے انہیں آنے کو کہا۔

اس نے زیادہ تر اویو ہوٹلوں میں کمرے بک کرائے اور خواتین کے وہاں آنے کے بعد اس نے انہیں جنسی تعلقات پر مجبور کیا اور اسے ریکارڈ کیا۔ وہ ان کی پرائیویٹ ویڈیوز کے ذریعہ انہیں بلیک میل کرتا تھا۔

بنگلورو پولیس کمشنر پرتاپ ریڈی نے بتایا کہ پرساد کے پاس 10 سے زیادہ نوجوان خواتین کی ویڈیوز پائی گئیں۔ اس نے زیادہ تر آندھراپردیش کی نوجوان خواتین  کی کی تصاویر کو ڈسپلے پکچر کے طورپر استعمال کر کے پھنسایا ہے۔

پولیس نے پرساد کے خلاف آئی ٹی ایکٹ کے تحت مقدمہ درج کیا ہے۔ تفتیش میں یہ بات سامنے آئی ہے کہ ملزم گزشتہ دو سالوں سے خواتین کو پھانس رہا تھا۔