بنگلورو: کے جی ہلی -ڈی جے ہلی تشدد میں مرنے والوں کی تعداد4ہوگئی پولیس فائرنگ میں زخمی سیدندیم نے دم توڑدیا
بنگلورو،16؍اگست(ایس او نیوز) بنگلوروشہرکے دیورجیون ہلی اور کاڈوگنڈناہلی علاقے میں منگل کے روز ہوئے پرتشدد واقعات کو روکنے کیلئے کی گئی پولیس فائرنگ میں زخمی ایک اور نوجوان نے ہفتہ کے روز دم توڑدیا جس کے ساتھ ہی اس فائرنگ میں مرنے والوں کی تعداد 4 تک پہنچ گئی۔ مرنے والے نوجوان کی شناخت سید ندیم کی حیثیت سے کی گئی ہے۔ بتایا جاتا ہے کہ گولی لگنے کے بعد شدید زخمی حالت میں ندیم کو بورنگ اسپتال میں داخل کردیا گیا تھا جہاں بعد از علاج ہفتہ کی دوپہر ندیم نے دم توڑ دیا ۔ اس دوران بورنگ کے ڈاکٹروں نے بتایا کہ ندیم کو کورونا پوزیٹیو پایا گیا ۔ اس سے پہلے منگل کے روز تشدد کو روکنے کے لئے پولیس کی طرف سے کی گئی فائرنگ میں تین نوجوانوں نے جائے وقوع پر ہی دم توڑ دیا تھا-