میرا گھر جلانے والوں کے خلاف قانونی جنگ جاری رہے گی، سابق میئر سمپت راج اورذاکر کی ضمانت کو سپریم کورٹ میں چیلنج: سرینواس مورتی

Source: S.O. News Service | Published on 21st February 2021, 1:37 PM | ریاستی خبریں |

بنگلورو، 21؍فروری(ایس او  نیوز) شہر کے پلیکشی نگرحلقہ کے رکن اسمبلی اکھنڈا سرینواس مورتی نے کہا ہے کہ ڈی جے ہلی اورکے جی ہلی پولیس تھانے کی حدود میں 11اگست2020کو ہوئے پرتشدد واقعات کے دوران ان کا گھر جلانے کے معاملہ میں جو بھی ملوث ہیں ان کے خلاف وہ اپنی قانونی اور سیاسی جنگ جاری رکھیں گے۔

اس سلسلہ میں حال ہی میں کرناٹک ہائی کورٹ کی طرف سے سابق میئر سمپت راج اور سابق کارپوریٹر اے آر ذاکر کو ضمانت پر رہا کئے جانے کے فیصلہ کا انہوں نے سپریم کورٹ میں چیلنج کیا ہے اورانہیں توقع ہے کہ ان دونوں پر تحقیقاتی ایجنسیوں نے جس طرح کے سنگین الزامات عائد کئے ہیں ان کی وجہ سے ان کی ضمانت کے احکامات پر سپریم کورٹ میں ضرور روک لگنے والی ہے۔

انہوں نے کہا کہ سپریم کورٹ نے ان کی عرضی کو سماعت کے لئے منظور کرتے ہوئے دونوں ملزمین سمیت تمام فریقوں کو نوٹس جاری کئے ہیں۔ اگلی سماعت کے دوران ممکن ہے کہ عدالت عظمیٰ کی طرف سے انہیں انصاف ملے گا۔ انہوں نے کہا کہ 11؍اگست کے واقعات کے سلسلہ میں ان کی قانونی لڑائی صرف ان کے خلا ف ہے جنہوں نے علاقے میں تشدد برپا کیا اور ان کے گھر کو نشانہ بنایا۔ جہاں تک بے قصور نوجوان جو بڑی تعدا د میں گرفتار کئے گئے ہیں ان کی رہائی کے سلسلہ میں وکلاء کی جو کوششیں جاری ہیں ان کا وہ بھر پور تعاون کر رہے ہیں اور یہ یقینی بنائیں گے کہ تمام بے قصور نوجوان جتنی جلدی ہو سکے ضمانت پر باہر آئیں۔

انہوں نے کہا کہ شہر کے نامی وکلاء کی کوششوں سے اب تک اس معاملہ میں گرفتار چند نوجوانوں کی رہائی ہو چکی ہے، توقع ہے کہ آنے والے دنوں میں مزید نوجوانوں کی رہائی ہو گی۔ تشدد کے دوران سرکاری، عوامی اور نجی املاک کو جو نقصان پہنچا اس کا تخمینہ لگانے کے لئے حکومت کی طرف سے قائم کلیمس کمیشن کے بارے میں سرینواس مورتی نے کہا کہ جسٹس کیمپنا کی قیادت میں کمیشن نے اپنا کام شروع کردیا ہے۔

افسوس کی بات ہے کہ اب تک اس کمیشن کے سامنے نقصان کی صرف تین ہی شکایتیں درج کروائی گئی ہیں۔ سرینواس نے علاقے میں ان لوگوں سے جن کے املاک اور گاڑیوں وغیرہ کو تشدد کے دوران نقصان پہنچا ہے گزارش کی ہے کہ وہ اس کلیمس کمیشن کے سامنے تفصیلات پیش کریں تاکہ ان کے نقصان کے عوض حکومت کی طرف سے مناسب معاوضہ مل سکے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔