بنگلورو،27؍جنوری(ایس او نیوز) کرناٹک اسٹیٹ روڈ ٹرانسپورٹ کار پوریشن (کے ایس آر ٹی سی) سنٹرل دفتر میں 73ویں یوم جمہوریہ تقریب منا ئی گئی۔ کے ایس آر ٹی سی کے مینیجنگ ڈائرکٹر شیوا یوگی کلسد، آئی اے ایس نے مہاتما گاندھی،ڈاکٹر بی آر امبیڈکر اور سنگولی رائنا کی تصاویر پر پھول نچھاور کر تے ہوئے انہیں خراج عقیدت پیش کی۔
اس موقع پر حادثات سے پاک اور ڈیفالٹ فری ڈیوٹی انجام دے رہے 10ڈرائیورس اور کنڈکٹرس کو گولڈ اور سلور میڈل سے نوازا۔انہوں نے میڈل حاصل کرنے والے ڈرائیورس اور کنڈکٹرس کو مبارکباد پیش کر تے ہو ئے کہا کہ کارپوریشن کے تمام ڈرائیور س اور کنڈکٹرس اسی طرح نمایاں خدمات انجام دیتے ہو ئے کارپوریشن کو منافع بخش بنانے حصہ دار بنیں۔ اس موقع پر کے ایس آر ٹی سی کے اعلیٰ افسران حاضر رہے۔
گولڈ میڈل حاصل کرنے والے ڈرائیورس حسب ذیل ہیں۔ رامچندرا گوڈا(ڈرائیور نمبر1666)،بنگلور سنٹرل ڈویژن کے نارائنپا این،(ڈرائیور نمبر 4817)،ایس وی وینکٹا سوامی(ڈرائیور نمبر473)،این بی گنگنا(ڈرائیور نمبر2597) کو15سال کے دوران حادثات سے پاک اور ڈیفا لٹ فری ڈیوٹی انجام دینے پر گولڈ میڈل سے نواز ا گیا۔ جبکہ ڈرائیور کم کنڈکٹر، ایس ایس رویندرا، ڈرائیور کم کنڈکٹر شمس الدین ایس،تالی کوٹ، ڈرائیور کم کنڈکٹر جی رمیش،ڈرائیوراین بی گنگنا، ڈرائیور کم کنڈکٹرایم ایس چندر شیکھر، ڈرائیور کم کنڈکٹررامپا کے سی کو 7سال کے دوران حادثات سے پاک اور ڈیفا لٹ فری ڈیوٹی انجام دینے پر انہیں سلور میڈل سے نوازا گیا۔