بنگلورو،20/مارچ(ایس او  نیوز)ٹرافک قوانین کی خلاف ورزی کرنے والی موٹر گاڑیوں کے مالکان کو جرمانہ ادا کرنے کے لئے ریاستی حکومت نے 50فیصد رعایت کے18مارچ کے آخری دن2کروڑ روپئے جرمانہ کی صورت میں جمع ہو ئے ہیں۔ گذشتہ15 دنوں کے دوران موٹرگاڑیوں کے مالکا ن نے ٹرافک قوانین کی خلاف ورزی کے4لاکھ 25ہزار091معا ملات میں جرمانہ کے طور پر جملہ12 کروڑ31لاکھ 3ہزار60 روپئے اداکئے ہیں -

اس سے قبل حکومت نے پہلی مرتبہ2تا 11فروری تک50 فیصد رعایت کے ساتھ جرمانہ ادا کرنے کا موقع فراہم کی تھی،اس دوران موٹر گاڑیوں کے مالکان نے کافی دلچسپی دکھاتے ہو ئے صرف9دنوں کے دوران جملہ 43.35 معاملات میں 126.87کروڑ روپئے جمع کئے تھے۔رعایت میں مزید توسیع کرنے عوام کے اصرار پر حکومت نے دوسری مرتبہ4تا18مارچ 50 فیصد رعایت کے ساتھ جرمانہ کی رقم جمع کرنے کا موقع فرائم کی تھی۔

گزشتہ15دنوں کے دوران موٹر گاڑیوں کے مالکان نے ٹرافک پو لیس تھانوں، ٹی ٹی ایم سی کاؤنٹرس، پے ٹی ایم ایپ، بنگلور وون سنٹرس پہنچ کر موٹر گاڑیوں کے مالکان جرمانہ کی رقم جمع کررہے ہیں -اس کے علاوہ بروہت بنگلورو مہا نگر پالیکے(بی بی ایم پی) کی حدود کے144بنگلور وون سنٹرز میں بھی جرمانہ کی رقم جمع کئے تھے۔