باضابطہ حج پروازوں سے جانے والے تمام حاجیوں کی بنگلورو واپسی

Source: S.O. News Service | Published on 23rd July 2022, 12:22 PM | ریاستی خبریں |

بنگلورو،23؍جولائی(ایس او  نیوز)رواں سال بنگلورو سے حج کمیٹی کے ذیعہ راست حج فلائٹوں کے ذریعے سفر حج پر جانے والے تمام حجاج کی بنگلورو واپسی کا سلسلہ ہفتہ کی صبح مکمل ہو جائے گا،جبکہ دو اضافی فلائٹوں کے ذریعے بعد میں جانے والے 200حجاج کرام کی واپسی بین الاقوامی فلائٹوں کے ذریعے ہونی باقی ہے۔ جمعہ کی سہ پہر 4.40بجے بنگلور و کے کیمپے گوڑا انٹرنیشنل ایرپورٹ پر حجاج کی آٹھویں حج پرواز پہنچی۔410حجاج سعادت حج سے سرفراز ہو کر بنگلورو لوٹے۔ پہلی فلائٹ کی مانند اس فلائٹ میں بھی حجاج کی طرف سے افزود ہینڈ بیگ رکھ لئے جانے کے سبب فلائٹ کو لگیج کے دو پیلیٹ جدہ میں ہی چھوڑ کر آنا پڑا۔اس فلیٹ سے آنے والے 154حاجیوں کا لگیج نہیں لا یا جا سکا۔ سعودی ایرلائنس نے کہا ہے کہ جس طرح پہلی فلائٹ کے حجاج کے گھروں تک لگیج پہنچایا گیا اسی طرح اس فلائٹ کے حاجیوں کے گھروں تک بھی لگیج پہنچادیا جائے گا۔ نویں حج فلائٹ جمعہ اور ہفتہ کی درمیانی شب 4.50بجے آنے کی امید ہے۔ اس فلائٹ سے آنے والے حاجیوں کو حج ٹرمینل سے نہیں بلکہ بین الاقوامی ایر پورٹ سے باہر نکلنا ہو گا۔ جبکہ دسویں اور آخری فلائٹ کی آمد صبح7.55بجے آنے کی امیدہے۔اس فلائٹ کی آمد کے ساتھ ہی باضابطہ حج فلائٹوں سے جانے والے تمام حاجیوں کی واپسی ہو جائے گی۔ البتہ بعد میں جن 200حجاج کو دو الگ الگ شیڈیولڈ فلائٹوں کے ذریعہ روانہ کیا گیا ان کی واپسی ابھی نہیں ہوئی ہے۔باقاعدہ حج فلائٹوں سے جانے والے تمام3100حجاج کی واپسی کا سلسلہ ہفتہ کے روز پورا ہو جائے گا، جبکہ باقی 200حجاج دو الگ الگ انٹرنیشنل فلائٹو ں سے وطن لوٹیں گے۔ جمعہ کی سہ پہر آنے والی فلائٹ میں چونکہ آندھراپردیش کے حاجیوں کی خاصی تعداد تھی،ان کا استقبال کرنے کے لئے آندھرا پردیش حج کمیٹی کے چیرمین غوث الاعظم اور مدن پلی کے رکن اسمبلی محمدنوازباشا موجود تھے۔

ایک نظر اس پر بھی

”آؤ پیغامِ نبیؐ عام کریں“ کے تعارف کیلئے جماعت اسلامی ہند، کرناٹک کی سیرت مہم

جماعت اسلامی ہند کے زیر اہتمام ربیع الاول کے اس مقدس ماہ میں 10روزہ ”آؤ پیغام نبیؐ عام کریں“ کے عنوان پر ریاستی سطح کی مہم کا آغاز کیا جا رہا ہے۔اس سلسلہ میں اخباری کانفرنس کے دوران تفصیلات پیش کر تے ہو ئے حلقہ کرناٹک کے سکریٹری مولانا وحیدالدین خان عمری مدنی نے بتایا کہ اس ...

انکولہ - ہبلی ریلوے لائن منصوبہ : مرکزی حکومت کے وفد نے کیا مختلف مقامات کا معائنہ

ریاستی ہائی کورٹ کے حکم کے مطابق انکولہ - ہبلی ریلوے منصوبے پر عمل پیرائی کے سلسلے میں مثبت اور منفی پہلووں کا جائزہ لینے کے  مرکزی حکومت کے ایک وفد نے انکولہ اور یلاپور تعلقہ جات میں مختلف جنگلاتی علاقوں کا معائنہ کیا۔

صدر جمہوریہ دروپدی مرمو نے میسور و کے دس روزہ دسہرہ تقریبات کا افتتاح کیا

دوماہ کی تیاریوں کے بعد آج بروز پیر صدر جمہوریہ دروپدی مرمو نے میسور کے چامنڈی پہاڑ پر دس روزہ دسہرہ تقریبات کا چامنڈیشوری دیوی کی مورتی پر پھول نچھاور کرکے افتتاح کیا۔ پہلے صدر جمہوریہ نے چامنڈیشوری دیوی کے درشن کئے اور اس مندر کی تاریخ کے تعلق سے تفصیل سے جانکاری حاصل کی۔

ذہنی دباؤ بیسویں صدی کا ایک مہلک مرض؛ آئیٹا گلبرگہ کے ورک شاپ سے ڈاکٹر عرفان مہا گا وی کا خطاب

نئے دور کی شدید ترین بیماریوں میں ذہنی دباؤ اور اس سے پیدا ہونے والے اثرات کو مہلک امراض میں شمار کیا جاتا ہے ۔ روز مرہ کی مشینی زندگی میں ذہنی دباؤ  میں بہت زیادہ اضافہ ہوا ہے ۔ لیکن اس کو کیسے کم کیا جائے اس پر غور کر نے اور اس سلسلے میں کوشش کرنے کی ضرورت ہے ۔