بنگلورو، 30؍اگست(ایس او نیوز)مکانات کی تعمیر اور شہری امور اور پٹرولیم اور قدرتی گیس کے وزیرہردیپ سنگھ پوری نے کرناٹک کے وزیراعلیٰ بسوراج بومائی کی موجودگی میں بنگلورو کے نمما میٹرو کے فیز 2 کے تحت 7.5 کلومیٹر طویل مغرب کے رْخ پر میسور روڈ سے کینگری میٹرو اسٹیشن تک میٹرو لائن کا افتتاح کیا۔

تقریب سے خطاب کرتے ہوئے مرکزی وزیرنے کہاہے کہ بنگلوروانفارمیشن ٹیکنالوجی ، بائیو ٹیکنالوجی اور اپلائیڈ سائنسز ریسرچ میں مضبوط موجودگی کے ساتھ پورے ملک کی معاشی ترقی کے بڑے وسائل میں سے ایک ہے۔ ملک سے آئی ٹی کی کل برآمدات میں تقریبا 38 فیصد حصہ اس شہر کا ہے۔ ویسٹرن ایکسٹینشن میٹرو لائن کا آج جو افتتاح ہوا ہے وہ شہرمیں تیز رفتار سفر اور اسمارٹ نقل وحمل کوفعال کرنے کی طرف ایک قدم ہے۔

وزیر موصوف نے مزید کہا کہ وزیر اعظم نریندر مودی کی بصیرت افروز قیادت میں شہرکاری کے رْخ پر نقطہ نظر میں مثالی تبد یلی آئی ہے اور حکومت شہریوں کو عالمی معیار کا انفراسٹرکچر فراہم کرنے کا مصمم ارادہ رکھتی ہے۔