بنگلورو،13/ دسمبر (ایس او نیوز) بنگلورو ایڈوکیٹس ایسو سی ایشن  نے ریاستی حکومت سے مطالبہ کیا ہے کہ 19 دسمبر کو بیلگاوی میں جو اسمبلی کا سیشن شروع ہونے والا ہے اس میں وکیلوں کے تحفظ کے لئے قانون منظور کیا جائے ورنہ ریاست گیر پیمانے پر وکیلوں کی طرف سے احتجاجی مظاہرے شروع کیے جائیں گے۔

بنگلور سٹی  سیول اینڈ سیشن کورٹ کی عمارت کے باہر    بینگلور وُکلا  تنظیم کے صدر  وویویک سُوبّا ریڈی  کی قیادت میں منعقدہ  احتجاجی مظاہرے میں   کئی ایک وکیلوں نے خطاب کرتے ہوئے کہا کہ   ریاست میں  قانونی مدد فراہم کرنے والے وکیل ہی آج محفوظ نہیں ہیں تو پھر عام عوام کیسے محفوظ رہ سکتے  ہیں۔ مینگلور میں دو وکیلوں پر ہوئے حملوں اور بینگلور میں ایک وکیل پر ہوئے حملہ کا تذکرہ کرتے ہوئے   وکیلوں کے تحفظ کو یقینی بنانے قانون منظور کرنے کا مطالبہ کیا گیا۔