ساحلی کرناٹکا سمیت 10اضلاع میں جاری ہوا ’ایلو الرٹ‘۔محکمہ موسمیات نے کی بھاری برسات کی پیشین گوئی
بھٹکل26؍ستمبر (ایس او نیوز) محکمہ موسمیات نے ساحلی کرناٹکا اور شمالی کرناٹکا کے اندرونی علاقوں میں سنیچر اور اتوار کو بادلوں کی گرج اور بجلیوں کی کڑک کے ساتھ بھاری برسات ہونے کی پیشین گوئی کی ہے۔ اور شمالی کینرا ،جنوبی کینرا اور اڈپی کے علاوہ یادگیر، وجیاپورا، رائچور، گدگ، کلبرگی، دھارواڑ تمام دس اضلاع کے لئے ’ایلو الرٹ ‘ جاری کیا ہے۔
اس کے علاوہ بنگلوروسٹی، بنگلورو مضافات، بلّاری، منڈیا ، چترادرگہ، میسورو وغیرہ میں بھی بادلوں کی گرج اور بجلیوں کے ساتھ برسات ہونے کے امکانات جتائے ہیں۔
خیال رہے کہ جمعہ کو کرناٹک میں سب سے زیادہ بارش کاروار میں ریکارڈ کی گئی تھی جہاں بارش کی پیمائش 11 سینٹی میٹر ریکارڈ کی گئی تھی، جبکہ جمعہ کو بھٹکل میں 4 سینٹی میٹر درج کی گئی۔