آئندہ کورونا جانچ رپورٹ نگیٹیو ہونے پر د ی جائے گی ایس ایم ایس سے اطلاع۔گھروں پرہی ہوسکے گامعمولی علامات والے مریضوں کاعلاج۔ریاستی حکومت کا فیصلہ

Source: S.O. News Service | Published on 19th July 2020, 1:29 PM | ریاستی خبریں |

بنگلورو،19؍جولائی (ایس او نیوز)ریاستی حکومت کے محکمہ صحت وخاندانی بہبودنے فیصلہ کیا ہے کہ آئندہ جن لوگوں کی کووِڈ جانچ رپورٹ نگیٹیو ہوگی ان کے فون پر ایس ایم ایس کے ذریعے اطلاع دی جائے گی۔

ریاست کے مختلف مقامات پربہت دنوں سے عوام کے اندر اس بات سے بڑی الجھن پید اہوگئی تھی کہ ضلع انتظامیہ یا تعلقہ انتظامیہ کی طرف سے مشکوک افراد کی جانچ کے بعد بہت دنوں تک رپورٹ موصول نہیں ہوتی اور انہیں بلاوجہ کوارنٹین میں رہنا پڑتا ہے۔ اب لگتا ہے کہ ریاستی حکومت کے اس فیصلے سے عوام کو ایک بڑی راحت ملے گی۔

    محکمہ صحت و خاندانی بہبود کے تحت ’نیشنل ہیلتھ کیمپین‘ کے ڈائریکٹر کی طرف سے اس ضمن میں ایک سرکیولر جاری کیا گیا ہے۔ جس میں کووِڈ لیباریٹریز کے نوڈل آفیسر کو ہدایات دی گئی ہیں کہ گلے کے تھوک کی جانچ کے بعد اگر نتیجہ منفی (نگیٹیو) نکلتا ہے تو اس بات کی اطلاع متعلقہ شخص کے فون پر نمبر پرکنڑا اور انگریزی میں مسیج کے ذریعے دی جائے۔

محکمہ نے اس مسیج کے جو فارمیٹ جاری کیا ہے اس کے مطابق اس میں مریض کی آئی ڈی (شناختی نمبر)، جانچ کا نتیجہ(نگیٹیو) اور ایک نوٹ لکھا ہوگا جس میں درج ہوگا کہ ’اگر اس شخص کو بخار، کھانسی یا سانس لینے میں تکلیف جیسی کوئی شکایت پیدا ہوتی ہے تو پھر اس کو ٹول فری ہیلپ لائن نمبر 14410یا104 کال کرکے اس کی اطلاع دینا ہوگا۔

اس کے علاوہ ریاستی حکومت نے اب اس بات کی بھی ااجازت دے دی ہے کہ جن لوگوں میں رپورٹ پوزیٹیو آنے کے بعد بھی بیماری کی کوئی علامات موجود نہیں ہیں، یاپھر معمولی علامات موجود ہوں تو ایسے لوگوں کا علاج ان کے گھروں پر ہی کیا جاسکے گا۔ یہ فیصلہ بہت ہی زیادہ سنگین علامات والے مریضوں کی بڑھتی ہوئی تعداد کو دیکھتے ہوئے ان کے لئے اسپتالوں میں بستر اور علاج کی سہولتیں فراہم کرنے کو ترجیح دینے کے لئے کیا گیا ہے۔
 

ایک نظر اس پر بھی

بنگلورو: ملک کا سب سے بڑا کووڈ کیئر سینٹر بند کردیا گیا، دس ہزار بیڈ کا انتظام تھا مگر ڈیڑھ ہزار سے زائد بیڈ استعمال میں نہیں آسکے؛ سرکاری فنڈ کے غلط استعمال کا بھی لگا الزام

کورونا مریضوں کیلئے بنگلورو میں قائم کئے گئے ملک کے سب سے بڑے کووڈ کیئر سینٹر کو اب بند کردیا گیا ہے۔ بتایا گیا ہے کہ اس سینٹر میں دس ہزار بیڈ لگانے کا منصوبہ تھا مگر صرف دیڑھ ہزار بیڈ ہی استعمال میں لائے گئے۔ ذرائع کے مطابق  مریضوں کی کمی کو دیکھتے ہوئے سینٹر کو بند کرنا پڑا۔ ...

شیموگہ: پتلون کی جیب میں موبائل فون پھٹ پڑا۔ بائک سوار شدید زخمی

انوٹّی پولیس اسٹیشن کے حدود میں جب ایک بائک سوار اپنی گاڑی میں کہیں جارہاتھا تو ایک تالاب کے قریب اس کی پتلون کی جیب میں موجود موبائل فون  دھماکے سے پھٹ پڑا جس کی  وجہ سے بائک سمیت سوار بھی اچھل کر قریبی تالاب میں جا گرا۔

گلبرگہ میں دو گانجہ فروش گرفتار

موضع سنگاپور، تعلقہ چنچولی ضلع گلبرگہ میں کرناٹک تیلنگانہ سرحدکے قریب پولیس نے ایک گانجہ فروش کو گرفتار کرکے اس کے قبضہ سے 1.2لاکھ روپیوں کے گانجہ کے پودے ضبط کرلئے گئے۔

شہری حقوق تنظیموں نے بنگلور کے دو علاقوں میں ہوئے تشدد کیلئے پولیس کی سستی کو قرار دیا ذمہ دار، گرفتار شدگان پر یو اے پی اے عائد کرنے پر اُٹھائے سوال

 بنگلورو کے کاڈو گوڈن ہلّی (کے جی ہلّی)  اور دیور جیون ہلّی ( ڈی جے ہلّی)  میں 11؍اگست کو پیش آنے والے پر تشدد واقعات کے متعلق شہری حقوق تنظیموں نے اپنی تحقیقاتی رپورٹ میں  پولس کی سُستی کو تشدد کے لئے ذمہ دار قرار دیتے ہوئے کہا ہے کہ فیس بُک پر  اسلام مخالف پیغام پوسٹ کرنے پر ...

بنگلورو تشدد معاملہ : علماء کرام و ملی تنظیموں کے وفد کی وزیر اعلی یڈ ی یورپا سے ملاقات

بنگلورو کے ڈی جے ہلی ، کے جی ہلی علاقوں میں پچھلے ماہ پیش آئے تشدد اور اس معاملے میں بڑے پیمانے پر ہوئی گرفتاریوں کے سلسلے میں اکابر علماء کرام اور ملی تنظیموں کے وفد نے وزیر اعلی بی ایس یدی یورپا سے ملاقات کی۔