بنگلوروایر پورٹ کے سامنے کیمپے گوڑا کا مجسمہ تعمیر ہوگا: نائب وزیر اعلیٰ اشوتھ نارائن

Source: S.O. News Service | Published on 7th September 2019, 10:49 AM | ریاستی خبریں |

بنگلورو،7؍ستمبر(ایس او نیوز) شہر کے معمار کیمپے گوڑا کامجسمہ بنگلورو ایر پورٹ کے احاطے میں نصب کیا جائے گا۔ یہ بات نائب وزیر اعلیٰ ڈاکٹر سی این اشوتھ نارائن نے کہی۔ کیمپے گوڈا کے جنم دن کی تقریبات کے سلسلے میں سداشیو نگرکے رمنا مہا رشی پارک میں کیمپے گوڑا کے مجسمے کی گل پوشی کے بعد خطاب کرتے ہوئے انہوں نے کہا کہ کیمپے گوڑا کی حیات اور ان کے کارناموں کے بارے میں نئی نسلوں کومعلومات فراہم کرنے کی ضرورت ہے۔اس سلسلے کی کوشش کے طور پر بنگلورو ایر پورٹ میں کیمپے گوڑا کا مجسمہ نصب کیا جائے گا۔ انہوں نے کہا کہ بنگلور و ایر پورٹ ناڈا پربھو کیمپے گوڑا کے نام منسوب ہے۔ اب ایر پورٹ کے سامنے کیمپے گوڑا کا بڑا مجسمہ تعمیر کیا جائے گا۔اس موقع پر خطاب کرتے ہوئے وزیر اعلیٰ ایڈی یورپا نے کہا کہ بنگلورو شہر کے قیام میں کیمپے گوڑا کی خدمات نا قابل فراموش ہیں۔ بیندا کالور کے نام سے قائم ایک چھوٹے شہر کو عالمی معیار کا بنگلور و شہر بنانے میں کیمپے گوڑا کا اہم کرداررہا ہے۔ انہوں نے کہا کہ بنگلورو ملک کا سب سے زیادہ تیزی سے ترقی کررہا شہر ہے۔ اس معاملے میں بنگلور ملک کے دیگر شہروں دہلی، کولکتہ،چینئی اور حیدر آباد سے آگے نکل گیا ہے۔ بنگلورو ملک میں آئی ٹی بی ٹی شعبہ کا سب سے بڑا مرکز ہے۔ بنگلور کی ترقی میں کیمپے گوڑا کی خدمات کو فراموش نہیں کیا جاسکتا ہے۔

ایک نظر اس پر بھی

سولیا: پہاڑی مہم جو ٹیم کا ایک رکن ہوگیا لاپتہ۔قریبی جنگلات میں جاری ہے تلاشی مہم 

بنگلورو کی ایک کمپنی کے ملازمین کی ٹیم سبرامنیا میں واقع پہاڑی ’کمارا پروتا‘ کو سر کرنے کی مہم پر نکلی تھی۔ لیکن واپسی کے وقت ٹیم کا ایک رکن جنگلات میں اچانک لاپتہ ہوگیا ہے، جس کی شناخت سنتوش (25سال) کے طور پر کی گئی ہے۔

سیلاب متاثرین سے وزیر اعظم کو کوئی ہمدردی نہیں منڈیا میں منعقدہ پرتیبھا پرسکار کے جلسہ سے سابق وزیر اعلیٰ سدارامیا کا خطاب

ملک کے وزیر اعظم کو سیلاب متاثرین سے کوئی ہمدردی نہیں ہے۔ پچھلے ایک سو سال سے کبھی نہ دیکھا گیا سیلاب ریاست میں آیا ہے اور ہزاروں افراد کی زندگی تباہ ہوچکی ہے۔

آئی ایم اے فراڈ کیس کا ایک نیا موڑ، قدآور شخصیات راڈر پر، منصور خان نے سابق وزیر دیش پانڈے پر 5/کروڑ روپئے طلب کرنے کا الزام لگایا 

آئی ایم اے فراڈ کیس دن بدن نیا زاویہ اختیار کرتا جارہا ہے، اس کیس کے کلیدی ملزم اور آئی ایم اے کے سربراہ منصور خان نے دعویٰ کیا ہے کہ سابق ریاستی وزیر اور سینئر کانگریس لیڈر آر وی دیش پانڈے نے آئی ایم اے کو 600کروڑ روپئے کا قرضہ حاصل کرنے کے لئے نو آبجیکشن سرٹی فکیٹ (این او سی) جاری ...