بنگلورو: 5سالہ بچی کی عصمت پر حملہ، مقامی لوگوں کا پولیس تھانہ پر احتجاج

Source: S.O. News Service | Published on 21st September 2021, 11:49 AM | ریاستی خبریں |

بنگلورو ،21؍ستمبر (ایس او نیوز)کل رات یہاں سنجے نگر پولیس تھانے کے سامنے ایک سو سے زیادہ افراد اکٹھا ہوگئے اور احتجاج کرنے لگے۔ وہ اس 25سالہ فرد کو ان کے حوالے کرنے کا مطالبہ کر رہے تھے جس نے ایک 5 سالہ معصوم بچی پر جنسی حملہ کیا تھا۔لوگ بہت غصہ میں تھے اور پولیس انہیں سمجھانے کی کوشش کر رہی تھی۔ اس ہجوم میں متاثرہ بچی کے رشتہ دار بھی موجود تھے۔ چند احتجاجی تو پولیس تھانے کے اندر بھی گھس پڑے اور پولیس والوں سے مطالبہ کرنے لگے کہ وہ اس درندہ کو ان کے حوالے کردیں اوروہی اسے سبق سکھائیں گے۔ پولیس کو انہیں یہ سمجھانے میں بہت مشکل پیش آئی کہ معاملہ کو سنجیدگی سے لیا گیا ہے۔ بچی کے گھر والوں کو بھی بتایا گیا کہ ملزم کے خلاف پوسکو قانون کے تحت معاملہ درج کیا گیا ہے اور اسے بہت جلد سخت سزا مل جائے گی۔پولیس ذرائع نے بتایا کہ ملزم مغربی بنگال سے تعلق رکھتا ہے اور ملازمت کی تلاش میں بنگلورو آیا ہوا تھا۔ وہ متاثرہ لڑکی کے گھر کے پڑوس میں رہ رہا تھا۔ بچی کو اسپتال میں بھرتی کروایا گیا ہے اور اس کے گھر والوں نے پولیس میں رسمی شکایت درج کروادی ہے۔ہیبال کے رکن اسمبلی بیرتی سریش نے پولیس تھانہ پہنچ کر مقامی لوگوں سے بات کی۔

ایک نظر اس پر بھی

کرناٹکا کے وزیرا علیٰ کے عمل کا ردعمل والے غیر ذمہ دارانہ بیان کےخلاف ریاست بھر میں احتجاج : بنگلور میں منعقدہ احتجاجی مظاہرے میں وزیراعلیٰ اورہوم منسٹر کو دستور کی یاد دھانی کرائی گئی

کرناٹک کے وزیر اعلیٰ بسوراج بومائی کے عمل کا ردعمل والے غیر ذمہ دارانہ بیان کے خلاف بنگلور کے میسور بینک سرکل پر احتجاجی دھرنا دیتے ہوئے مظاہرہ کیا گیا تو وہیں مختلف اضلاع میں کمشنروں کو میمورنڈم دیتےہوئے وزیر اعلیٰ کو اپنا بیان واپس لینے کا مطالبہ کیا گیا۔

مسلمانوں میں نکاح معاہدہ ہے نہ کہ ہندو شادی کی طرح رسم، طلاق کے معاملے پرکرناٹک ہائی کورٹ کااہم تبصرہ

کرناٹک ہائی کورٹ نے اہم تبصرہ کرتے ہوئے کہاہے کہ مسلمانوں کے یہاں نکاح ایک معاہدہ ہے جس کے کئی معنی ہیں ، یہ ہندو شادی کی طرح ایک رسم نہیں ہے اور اس کے تحلیل ہونے سے پیدا ہونے والے حقوق اور ذمہ داریوں سے دور نہیں کیا جاسکتا۔

کرناٹک سے روزانہ 2100کلو بیف گوا کو سپلائی ہوتاہے : وزیر اعلیٰ پرمود ساونت

بی جے پی کی اقتدار والی ریاست کرناٹک سے روزانہ 2000کلوگرام سے زائد جانور اور بھینس کا گوشت (بیف)گوا کو رفت ہونےکی جانکاری بی جے پی اقتدار والی ریاست گوا کے وزیرا علیٰ پرمود ساونت نے دی۔ وہ گوا ودھان سبھا کو تحریری جواب دیتےہوئے اس بات کی جانکاری دی ۔