بنگال میں کانگریس، بائیں محاذ اور آئی ایس ایف کے درمیان سیٹوں کی تقسیم مکمل

Source: S.O. News Service | Published on 5th March 2021, 11:49 AM | ملکی خبریں |

کولکاتہ،5؍مارچ (ایس او نیوز؍ایجنسی) کانگریس، بائیں محاذ اور آئی ایس ایف کے درمیان سیٹوں کی تقسیم کو لے کر جاری بات چیت مکمل ہوگئی ہے اور مشترکہ بیان میں کہا گیا ہے کہ متحدہ محاذ ممتا بنرجی اور بی جے پی کے مقابلے عوام کے سامنے متبادل پیش کرے گا ۔

ذارئع کے مطابق کانگریس نے 92اسمبلی حلقہ، آئی ایس ایف 36سے 37سیٹوں پر اور بقیہ سیٹوں پر بائیں محاذانتخاب لڑے گا۔ بائیں محاذ کے چیرمین بمان بوس نے حریف جماعتوں کے ساتھ بات چیت کرکے اس پورے معاملے کو حتمی شکل دے دی ہے ۔

سی پی ایم کے ذرائع کے مطابق بمان بوسن نے کل ریاستی کانگریس کے صدرادھیررنجن چودھری سے طویل ملاقات کی اور اس کے بعد رات دس بجے آئی ایس ایف کے رہنما عباس صدیقی سے بات چیت کی جس کے بعد یہ پورا معاملہ حل ہوگیا ۔ کانگریس کے ممبر پارلیمنٹ پردیب بھٹاچاریہ نے کہا کہ متحدہ محاذ بی جے پی اورترنمول کانگریس کے پروپیگنڈے کے خلاف ہم میدان میں جارہے ہیں ۔عوام مرکزی حکومت کی مہنگائی اور ممتا بنرجی کے خلاف ہیں ۔اس لئے انہیں امید ہے کہ بنگال کے عوام ان دونوں کے بجائے متحدہ محاذ کو ووٹ دیں گے ۔ بریگیڈ کی ریلی میں عوام کی بھیڑ نے یہ ثابت کردیا ہے کہ عوام ہمارے ساتھ ہیں ۔

ترنمول کے رکن پارلیمنٹ سوگت رائے نے کہا ہے کہ بائیں بازو کے لوگ بریگیڈ کو دیکھ کر خوش ہو رہے ہیں۔ وہ بھیڑ آئی ایس ایف کے لوگوں کی تھی۔ اس اتحاد کی وجہ سے ترنمول کانگریس مخالف ووٹوں کی تقسیم ہوگی اور اس کا فائدہ ترنمول کانگریس کو ہوگا۔

سی پی ایم رہنما اور ایم ایل اے تنوموئے بھٹاچاریہ نے کہا ہے کہ وہ ریاست میں 175 نشستوں کے ساتھ اقتدار میں آرہے ہیں۔ ترنمول کانگریس اور بی جے پی کے درمیان ووٹوں کی تقسیم کا فائدہ انہیں ہوگا۔

ایک نظر اس پر بھی

ہانک کانگ نےہندوستان،پاکستان اور فلپائن کی پروازوں پر لگائی دو ہفتوں کی پابندی

کورونا وبا کےپھیلاؤ کےپیش نظر ہانگ کانگ نے فیصلہ کیا ہےکہ وہ اگلےدوہفتوں کےلئےہندوستان، پاکستان اور فلپائن سےآنےوالی پروازوں پر پابندی لگارہا ہے۔ہانگ کانگ نےان تین ممالک سےآنےوالی تمام پرواز یں معطل کر دی ہیں۔ہانک کانگ کےذمہ داران اس کی وجہ کووڈ19 کے ایشیائی ممالک میں ...

مدھیہ پردیش میں کووڈ کا قہر، 30 اپریل تک کورونا کرفیو کا نفاذ

مدھیہ پردیش میں حکومت کی تمام کوششوں کے باوجود کورونا کا قہرجاری ہے۔ ریاست میں کورونا کے ایکٹو مریضوں کی تعداد جہاں اڑسٹھ ہزار کو تجاوز کر گئی ہیں وہیں پچھلے چوبیس گھنٹےمیں ریاست میں کورونا کے بارہ ہزار دو سو اڑتالیس نئے معاملے درج کئے گئے ہیں ۔

کووڈ بحران سے نمٹنےکےلیے سابق وزیراعظم منموہن سنگھ نے وزیراعظم مودی کو دیئے یہ 5اہم مشورے

ہندوستان میں عالمی وبا کورونا وائرس کے مثبت معاملوں کی بڑھتی ہوئی تعداد کے بارے میں ہر حلقے سے تشویش کا اظہار کیاجارہا ہے۔ اسی ضمن میں ملک کے سابق وزیراعظم، کانگریس کے سینئر ترین رہنما اور معروف ماہر معاشیات ڈاکٹر منموہن سنگھ  نے وزیراعظم نریندر مودی کو کووڈ۔19 کے بحران سے ...

بہار میں15 مئی تک اسکول ، کالج اور تمام مذہبی مقامات بند ،رات کا کرفیو نافذ

ہار کے وزیراعلیٰ نتیش کمار نے ریاست میں کورونا کے تیزی سے بڑھ رہے معاملوں پر لاک ڈاﺅن کا اشارہ دیتے ہوئے باہر سے آنے والے لوگوں سے جلد سے جلد لوٹنے کی اپیل کرتے ہوئے آج کہاکہ وبا کی روک تھام کیلئے فی الحال ریاست میں ” رات کا کرفیو“ سرکاری دفاتر میں کام کی مدت کم کرنے ، سبھی ...