بیلتنگڈی : شوہر نے لکڑی کے ٹکڑے سے پیٹ کر بیوی کو کردیا ہلاک
بیلتنگڈی،9؍جنوری ( ایس او نیوز)شراب کے نشے میں مدہوش جونسن (47سال) کے ذریعے اپنی بیوی سومیا (40سال )کو لکڑی کےٹکڑےسے پیٹ کر ہلاک کرنے کی واردات نیریا گاؤں میں پیش آئی ہے جس کے بعد جونسن کو پولیس نے گرفتار کرلیا ہے۔
موصولہ رپورٹ کے مطابق دونوں میاں بیوی ’ربر ٹیاپر‘ کے طور پر کام کررہے تھے۔ پچھلے کچھ عرصے سے جونسن ، اس کے والد میتھیو اور اس کی ماں میری کی طرف سومیا کو معمولی باتوں پر جسمانی اور ذہنی ہراسانی کاسامنا کرنا پڑ رہا تھا۔اسی طرح کے ایک جھگڑے کا نتیجہ یہ ہوا کہ جونسن نے جمعرات کی شب 11بجے ایک لکڑی کےٹکڑے سے بیوی سومیا پر حملہ کردیا اور وہ بری زخمی ہوگئی۔ کچھ مقامی افراد کی مدد سے اس کو اسپتال لے جانے کی کوشش کی گئی مگر اس نے راستے میں ہی دم توڑ دیا۔
سومیا کے بھائی سنوج فرنانڈیز نے اس معاملےکے تعلق سے دھرمستھلا پولیس اسٹیشن میںشکایت درج کروائی جس پر کارروائی کرتے ہوئے بیلتنگڈی پولیس نے بیوی کو ہلاک کرنےکے الزام میں جونسن کو گرفتار کرلیا۔