بیلتنگڈی : کار اور بس میں تصادم - 1 ہلاک 7 زخمی
بیلتنگڈی، 24؍ نومبر (ایس او نیوز) دھرمستھلا کے کودرایا میں کار اور کے ایس آر ٹی سی بس کے درمیان تصام پیش آیا جس کے نتیجے میں ایک شخص ہلاک اور دیگر 7 افراد زخمی ہوگئے ۔
حادثے میں ہلاک ہونے والے شخص کی پہچان منڈیا کے رہنے والے مہادیوا (63 سال) کے طور پر کی گئی ہے ۔ بتایا جاتا ہے کہ دس افراد پر مشتمل ایک خاندان منڈیا سے دھرمستھلا درشن کے لئے جا رہا تھا ۔ انہوں نے اپنی کار کودرایا کے قریب سڑک کنارے پارک کی اور گاڑی سے نیچے اترنے لگے ۔ اسی دوران دھرمستھلا سے میسورو کی جانب چلنے والی ایک کے ایس آر ٹی سی بس گاڑی پر چڑھ گئی اور اس کی زد میں کار کے مسافر آ گئے ۔ شدید زخمی ہونے والوں میں پانچ عورتیں ، ایک مرد اور ایک بچہ شامل ہے ۔ ان زخمیوں کو اجیرے کے پرائیویٹ اسپتال میں داخل کیا گیا ہے ۔
بیلتنگڈی ٹریفک پولیس نے کیس درج کیا ۔ تحقیقات جاری ہے ۔