بیلتنگڈی : زہریلے مشروم کھانے سے باپ اور بیٹے کی موت
بیلتنگڈی،22 ؍ نومبر (ایس او نیوز) تعلقہ کے پوڈویٹو نامی گاوں میں جنگل سے لائے ہوئے زہریلے مشروم انجانے میں کھانے کی وجہ سے ایک خاندان کے دو افراد کی موت واقع ہوگئی جن کی شناخت گوروا (75 سال) اور اس کے بیٹے اوڈی (45 سال) کے طور پر کی گئی ہے۔
ذرائع سے ملی اطلاع کے مطابق متاثرہ خاندان تین افراد پر مشتمل ہے اور انتہائی غربت اور افلاس کا شکار ہے ۔ مقامی لوگوں کا کہنا ہے کہ ان دو افراد کی لاشیں ان کے گھر کے سامنے پڑی ہوئی پائی گئیں ۔ سمجھا جاتا ہے کہ ان دونوں نے جنگل سے لائی گئی مشروم پکا کر کھائی ہوگی اور وہ زہریلی مشروم رہی ہوگی ۔ گوروا کا دوسرا بیٹا چونکہ گھر پر موجود نہیں تھا اس لئے وہ زندہ بچ گیا۔
دھرمستھلا پولیس نے جائے وقوع پر پہنچ کر معائنہ کیا اور کیس درج کر لیا ۔ مزید تحقیقات جاری ہے۔