بریکنگ نیوز

بیلتنگڈی: دلت نوجوان کے قاتلوں کو گرفتار نہ کیے جانے پر دلت سنگھرش سمیتی کا احتجاجی مظاہرہ

Source: S.O. News Service | Published on 24th January 2023, 8:26 PM | ساحلی خبریں |

بیلتنگڈی،24 / جنوری (ایس او نیوز) شیباجے میں دلت نوجوان شریدھر کے قاتلوں کو گرفتار نہ کرنے اور بی جے پی لیڈروں کی طرف سے قاتلوں کے تحفظ میں آگے آنے کے معاملہ پر دلت سنگھرش سمیتی امبیڈکرواد اور دیگر ہم خیال تنظیموں کی جانب سے "دھرمستھلا پولیس اسٹیشن چلو" ریلی کا انعقاد کرتے ہوئے زبردست احتجاجی مظاہرہ کیا گیا۔
    
نیتراوتی سے شروع  ہوکر دھرمستھلا پولیس اسٹیشن تک پہنچنے والی ریلی میں حکومت، پولیس اور قاتلوں کے خلاف نعرے بازی کی گئی ۔ پولیس اسٹیشن کےسامنے دھرنے پر بیٹھے ہوئے مظاہرین سے خطاب کرتے ہوئے دلت سنگھرش سمیتی امبیڈکرواد کے ریاستی ایڈمنسٹریٹیو کنوینر چندو ایل نے کہا کہ شیباجے میں دلت نوجوان کا قتل ہوا ہے اس سلسلے میں صحیح  تفتیش نہیں ہو رہی ہے بلکہ انتظامیہ کی پوری مشینری بی جے پی سے تعلق رکھنے والے ملزموں کو بچانے میں مصروف ہے ۔ اس وجہ سے مقتول کو انصاف مل ہی نہیں سکتا ۔ شیباجے میں اس طرح کے ظلم و ستم کے واقعات پہلے بھی ہو چکے ہیں ۔ ان سب معاملات کی گہری چھان بین ہونی چاہیے ۔ مقتول شریدھر کے خاندان کو حکومت کی طرف سے معاوضہ ادا کیا جانا چاہیے ۔ قاتلوں کو تحفظ فراہم کرنے کا کام خود شیباجے گرام پنچایت صدر کی طرف سے ہو رہا ہے اس لئے اس کے خلاف کریمنل کیس درج ہونا چاہیے ۔ اس کے علاوہ ڈی وائی ایس پی کے خلاف بھی کارروائی ہونی چاہیے۔
    
سمیتی کے ریاستی کنوینر ملّیش امبوگا نے کہا ریاست گیر سطح پر دلتوں پر مسلسل ظلم ہو رہا ہے۔ حکومت اور پولیس والے قاتلوں کی حمایت میں کھڑے ہیں ۔ جب تک ہمیں انصاف نہیں ملتا تب تک یہ احتجاج جاری رہے گا۔ 
    
دھرنا دینے والے مظاہرین کے مطالبات پر افسران کی طرف سے کوئی واضح جواب نہ ملنے پر صبح شروع ہوا یہ احتجاج رات تک جاری رہا ۔ پھر جنوبی کینرا کے ایس پی نے ضروری کارروائی کرنے کا یقین دلانے پر احتجاجی مظاہرہ ختم کیا گیا۔ 

ایک نظر اس پر بھی

بھٹکل میں کپڑا بینک کے زیرانتظام منعقد ہوا دانتوں کےمفت علاج کا کیمپ؛ 300 لوگوں نے کیا استفادہ

ھیل ہیومینٹی سروس المعروف کپڑا بینک کے زیرانتظام بھٹکل کی پرانی شفاء نرسنگ ہوم کی عمارت میں آج اتوار کو دانتوں کے علاج کا مفت کیمپ منعقد ہوا جس میں 300 سے زائد لوگوں نے شرکت کرتے ہوئے اپنے اپنے دانتوں کا علاج معالجہ کرایا۔

بھٹکل: آسارکیری مندر میں شادی کی رسم ادا کرنے سے برہمن پجاری نے کیا انکار؛ نامدھاری سماج کے نائب صدر نے کیا تشویش کا اظہار

ہم 21ویں صدی  میں ہیں لیکن 18ویں اور19ویں صدی کی  طرح دھرم اور ذات کے نام پر  ظلم وہراسانی کا سلسلہ  آج بھی  جاری ہے۔ 21ویں صد ی میں بھی اسی ذات پات اور چھوت چھات کا نظام ہرجگہ چھایا ہواہے۔ اس کےلئے آسارکیری کی نچل مکی شری وینکٹ رمن مندر اس کا منہ بولتا  ثبوت ہے، جہاں ں  شادی کی ...

بھٹکل : آسارکیری میں تعمیر کردہ مہادوار کا رکن اسمبلی کے ہاتھوں افتتاح

تعلقہ کی مشہور آسارکیری نامدھاری سماج کی نچل مکی شری ترومل وینکٹ رمن مندر تجدید کردہ مورتی کی نصب کاری ، پالکی مہوتسومذہبی پروگرام سمیت  رکن اسمبلی سنیل کی جانب سے مندر کے لئے تعمیر کردہ مہا دوار(صدردروازہ) کی افتتاحی تقریب کاانعقاد ہوا۔  شری رام اکشھتر کے شری برہمانند ...

بھٹکل میں دس سال مکمل ہونے کے باوجود نیشنل ہائی وے کام نامکمل؛ سرکل پر سے فلائی اوور غائب؛ این ایچ ڈیولپمنٹ کمیٹی نے رکھے مطالبات؛ نہ ماننے کی صورت میں زبردست احتجاج کادیا انتباہ

  بھٹکل  میں دس سال سے جاری نیشنل ہائی وے فورلائن  کا کام مکمل ہونے کا نام نہیں لے رہا ہے، ہر طرف کام کو ادھورا چھوڑا گیا ہے جس سے ہائی وے  کی خستہ حالی ظاہر ہورہی ہے۔ ایسے میں پتہ چلا ہے کہ ہائی وے کو تعمیر کرنے والی کنٹریکٹ کمپنی آئی آر بی نے  شمس الدین سرکل پر  جو فلائی اوور ...

انجمن پی یوکالج فورویمن بھٹکل میں چوہترواں جشن ِیوم جمہوریہ

26 جنوری بروز جمعرات صبح  آٹھ بجے انجمن پی یو کالج فار ویمن کے خدیجہ سید علی کیمپس  کے احاطے میں بدستِ پرنسپل ڈاکٹر فرزانہ محتشم کے رسمِ پرچم کشائی کی تقریب کاانعقاد کیا گیا۔ اس موقع پرطالبات سے خطاب کرتے ہوئے فرزانہ محتشم نے بتایا کہ 26 جنوری کی اہمیت یہ ہے کہ حکومت ہند ایکٹ ...