بلاری میں رکن اسمبلی ریڈی کے اشتعال انگیز بھاشن کے خلاف زبردست احتجاج : گھر کے گھیراؤ کی کوشش ،ہلکی لاٹھی چارج

Source: S.O. News Service | By Staff Correspondent | Published on 4th January 2020, 7:20 PM | ساحلی خبریں | ریاستی خبریں |

بلاری :4/ جنوری (ایس اؤ نیوز) مسلمانوں  کو نشانہ بنا کر اشتعال انگیز بھاشن دینے والے  بی جےپی کے رکن اسمبلی جی سو م شیکھر ریڈی کے خلاف عوام نےزبردست احتجاج کیا اور ان کےخلاف قانونی کاروائی کی مانگ کرتے ہوئے سنیچر  کوناراض احتجاجیوں نے ان کےمکان کا گھیراؤ کرنے کی کوشش کی جس کے دوران پولس نے ہلکی لاٹھی چارج کرتے ہوئے احتجاجیوں  کو  منتشرکردیا۔

خیال رہے کہ  بھارتیہ جنتاپارٹی کے رکن اسمبلی (حلقہ بلاری) سوم شیکھر ریڈی نے مسلمانوں کے خلاف زہر افشانی کرتے ہوئے   دھمکی دی تھی  کہ اگر اس ملک میں رہنا ہے تو ہم جیسا چاہتے ہیں ویسا کرنا ہوگا اورشہریت ترمیمی قانون  اور این آر سی کے خلاف احتجاجی مظاہروں کو  ترک کرنا ہوگا۔ غیرقانونی کان کنی میں ملوث سوم شیکھر ریڈی نے یہ بھی کہا تھا کہ ہماری بات نہ ماننے والے مسلمان پاکستان چلے جائیں ورنہ ہمیں معلوم ہے کہ ان کے ساتھ کیا سلوک کرنا ہے اس ملک سے مسلمان چلے گئے تو ملک کی آبادی بھی کم ہوجائے گی۔

سوم شیکھر ریڈی کی اس زہر افشانی کے  خلاف پوری ریاست میں سخت ناراضگی پائی جارہی ہے اور عوام کا بڑا طبقہ ان کے خلاف قانونی کاروائی کرنے کی مانگ کرتے ہوئے سخت ناراضگی ظاہر کررہا ہے، اسی طرح کا قانونی کارروائی کا مطالبہ کرتے ہوئے بلاری میں بھی ہزاروں لوگوں نے شہر میں احتجاج کیا۔ اس  دوران جب سینکڑوں  لوگوں نے  ریڈی کے گھر کا گھیراؤ کرنے کی کوشش کی تو  پولس نےہلکی لاٹھی چارج کرتےہوئے انہیں منتشر کردیا۔

شہر کے کول بازار سے شروع ہوئی احتجاجی ریلی شہر کے اہم راستوں سے گزرتے ہوئے گڈگی چنپا سرکل پہنچی۔بہت بڑے بھارتی ترنگا کو لے کر احتجاجی راستوں پر نکلے تھے۔ ریلی میں ریڈی اور بی جےپی کے خلاف نعرے بازی کی گئی ۔ناراض احتجاجیوں نے ریڈی کا پتلا بھی نذر آتش کرتے ہوئے  سخت   ناراضگی  کا اظہار کیا ۔ خیال رہے کہ اسی سرکل پر جمعہ کو ریڈی نے سی اےاے کی حمایت کرتےہوئے اشتعال  انگیز بھاشن دیا تھا۔

گڈگی چنپا سرکل پر تھوڑی دیر کے لئے احتجاج ہونے کی وجہ سے ٹرافک جام ہوگیا اور سڑک پوری طرح بند ہوگئی ۔اس موقع پر سپرنٹنڈنٹ آف پولس سی کے بابا نے احتجاجیوں سے اپیل کی کہ وہ  میونسپل کالج گراؤنڈ میں جاکر احتجاج کرے، مگر کسی نے اُن کی باتوں پر   کان نہیں دھرا۔

اس موقع پر بلاری کے سپرنٹنڈنٹ آف پولس مسٹر سی کے بابا نے احتجاجیوں کو بتایا کہ اشتعال انگیز بھاشن کو لے کر رکن اسمبلی کے خلاف کیس درج کرلیاگیا ہے، انہوں نے احتجاجیوں سے اپیل کی  کہ وہ امن و امان کی صورتحال  کو برقرار رکھیں‘‘۔ ایس پی سی کے بابا کے اعلان پر  احتجاجیوں نے ’ایس پی کی جئے ہو‘کے نعرے لگائے۔ لیکن احتجاج جاری رکھا۔ اطلاع پا کر بلاری زون کے آئی جی ننجوڈ سوامی بھی ہاتھ میں لاٹھی لےکر بندوبست کے لئے آگے بڑھ گئے ۔

ایف آئی آر درج : پولس ذرائع سے پتہ چلا ہے کہ  بلاری شہری حلقہ کے رکن اسمبلی سوم شیکھر ریڈی کے خلاف گاندھی نگر پولس تھانے میں ایف آئی آر درج کرلی گئی ہے اور جانچ کے لئے خصوصی طورپر تشکیل دی ہوئی پولس ٹیم نے میڈیا میں نشرہونے والی  وڈیوکلپ اور اخبارات کے تراشے جمع کرلئے ہیں۔ معاملہ کو بے حدسنگین مانتے ہوئے بلاری ایس پی سی کے بابا ، بلاری زون آئی جی پی ننجوڈسوامی معاملے کی  خود تفتیش کررہے ہیں۔ ایف آئی آر در ج کرلینے کے بعد رکن اسمبلی ریڈی کے خلاف کارروائی کے امکانات ظاہر کئے جارہےہیں۔

ایک نظر اس پر بھی

بھٹکل میں 72 ویں یوم جمہوریہ کی خوبصورت تقریب؛ بھٹکل کے بی جے پی رکن اسمبلی نے کوویڈ کے موقع پر ہیلتھ ورکروں کے ساتھ تنظیم کی بھی خدمات کا کیا اعتراف

جس طرح ملک بھر میں آج 26 جنوری کےموقع پر یوم جمہوریہ کی 72 ویں تقریب  منعقد ہوئی، بھٹکل میں بھی  سرکاری اداروں، پرائیویٹ اداروں، اسکولوں اور کالجوں میں  بھی پورے اہتمام کے ساتھ اس تقریب کا انعقاد کیا گیا۔ ہر سال کی طرح امسال بھی بھٹکل تعلقہ انتظامیہ کی جانب سے  صبح 9 بجے بھٹکل ...

زرعی قوانین کی مخالفت میں بنگلورو سمیت ریاست کےمختلف مقامات پر کسانوں کی دھاڑ: ٹریکٹرپریڈ کے ذریعے مرکزی اور ریاستی حکومت سے زرعی قوانین واپس لینے کامطالبہ

مرکزی حکومت کی تین زرعی قوانین اور ریاستی حکومت کے اراضی قانون میں کی گئیں ترمیمات کو  واپس لینے پرزور دیتے ہوئے ریاست کے صدر مقام بنگلورو سمیت مختلف مقامات پر کسانوں نے بڑے پیمانےپر ٹریکٹر پریڈ کا اہتمام کرتےہوئے بی جےپی اقتدار والی حکومتوں کے خلاف اپنی سخت برہمی کا ...

دہلی میں احتجاج کرنے والے کسان نہیں دہشت گردہیں، وزیرزراعت بی سی پاٹل کے متنازع بیان سے ناراضی کی لہر

راجدھانی دہلی میں احتجاج کرنے والے کسان نہیں بلکہ دہشت گردہیں۔دہلی میں ہورہااحتجاج دہشت گردوں کی بھیانک کرتوت ہے۔اس قسم کا سخت اورمتنازع بیان ریاستی وزیربرائے زراعت بی سی پاٹل نے دیاہے۔

زرعی قوانین کی مخالفت میں بنگلورو سمیت ریاست کےمختلف مقامات پر کسانوں کی دھاڑ: ٹریکٹرپریڈ کے ذریعے مرکزی اور ریاستی حکومت سے زرعی قوانین واپس لینے کامطالبہ

مرکزی حکومت کی تین زرعی قوانین اور ریاستی حکومت کے اراضی قانون میں کی گئیں ترمیمات کو  واپس لینے پرزور دیتے ہوئے ریاست کے صدر مقام بنگلورو سمیت مختلف مقامات پر کسانوں نے بڑے پیمانےپر ٹریکٹر پریڈ کا اہتمام کرتےہوئے بی جےپی اقتدار والی حکومتوں کے خلاف اپنی سخت برہمی کا ...

 حکومت نے وزارت کا بنایا ہے مذاق ۔ قلمدان بدلنے کا کھیل جاری،  سدھا کر کو میڈیکل ایجوکیشن واپس، مادھو سوامی اور آنند سنگھ کے قلمدانوں میں ادلا بدلی۔ آنند سنگھ مستعفی ہوسکتے ہیں

  وزیر اعلیٰ بی ایس یڈیورپا نے  دوبارہ دو وزراء  کے قلمدان بدلے ہیں۔ بی جے پی کے سینئر رکن اسمبلی جے سی مادھو سوامی ، آنند سنگھ اور سی پی یوگیشور کے قلمدان دو بارہ بدلے گئے ہیں جبکہ وزیر صحت ڈاکٹر کے سدھا کر صحت کے ساتھ میڈیکل تعلم کا قلمدان واپس حاصل کرنے میں کامیاب رہے ۔

وزیر محصولات اشوک کے پی اے پررشوت مانگنے  کا الزام ،  شرنگیری کے سب رجسٹرار سے بات چیت کا آڈیو وائرل

ریاستی وزیر  محصولات آراشوک کے پی اے گنگادھر کی طرف سے شرنگیری کے سب رجسٹرار سے رشوت کا مطالبہ کئے جانے کا ایک آڈیو وائرل ہوجانے کے سبب ریاست کے سرکاری حلقوں میں ہلچل مچ گئی ہے۔