بھٹکل:22؍نومبر(ایس اؤ نیوز)بیلکے گرام پنچایت ہولگدے مضاف میں کسی حال میں بھی شراب کی دکان کے لئے لائسنس نہ دینے کا مطالبہ لےکر دیہی عوام نے جمعہ کو بھٹکل تحصیلدار اور ایکسائز آفیسر کودرخواست  دی۔

بیلکے ہولگدے مضاف کی نجی زمین کی ایک عمارت میں شراب کی دکان شروع کئے جانےکی کوششوں کے متعلق ہمیں اطلاع ملی ہے۔ عوامی صحت کو دھیان میں رکھتے ہوئے متعلقہ علاقے میں شراب کی دکان کو منظوری نہ دیں، اس سلسلے میں ایکسائز افسرکو واضح ہدایات دیں۔ عوامی مانگ کو نظر انداز کرتےہوئے شراب کی دکان شروع ہوتی ہے تو دیہی خواتین سمیت سبھی لوگ سخت احتجاج کرنے کی عوام نے تحصیلدار کے روبرو ہی متنبہ کیا۔

عوامی درخواست کو قبول کرنے کے بعد تحصیلدار وی پی کوٹرولی نے کہاکہ تعلقہ انتظامیہ شراب کی مخالفت میں خواتین کی جدوجہد کی تصدیق کرتی ہے، عوامی مانگ کو ڈپٹی کمشنر تک پہنچا کر آگے کی کارروائی کا تیقن دیا۔ اس موقع پر بیلکے گرام پنچایت کے ممبر ناگپا نائک، دیویانائک، پورنیما نائک ، واسنتی نائک، رتنا نائک، ماستما نائک، ناگرتنا نائک، ہونمانائک، ناگوینی ، مکتا، لکشمی ، سوشیلا، پدما، جیوتی ، پاروتی وغیرہ موجود تھے۔