بیلگام: سیلاب متاثرین کے گھروں کی تعمیر نہیں کی تو موجودہ حکومت کو ہی گرادیں گے : بی جے پی رکن اسمبلی بال چندر جارکی ہولی
بیلگام:14؍اگست (ایس اؤ نیوز)بیلگام ضلع اربھاوی حلقہ کے بی جےپی کے رکن اسمبلی بال چندر جارکی ہولی نے اپنی ہی حکومت کو دھمکاتے ہوئے کہاکہ اگر بی جےپی کی موجودہ ریاستی حکومت سیلاب سےمتاثرہ لوگوں کے گھروں کی تعمیر نہیں کرتی ہے تو اس حکومت کو ہی گرا دونگا۔
گھٹپربھا ندی کنارے کے موڈلگی تعلقہ ، تگڈی دیہات کا دورہ کرتے ہوئے بی جےپی کے رکن اسمبلی بال چندر جارکی ہولی نے سیلاب سے متاثرہ عوام سے بات چیت کے دوران یہ بیان دئیے جانے کا وڈیو سوشیل میڈیا پر وائر ل ہواہے۔
دیہات کے سیلاب سے متاثرہ لوگوں کی شکایات و مسائل کو سماعت کرنےکے دوران انہوں نے کہاکہ ’’سیلاب سے نقصان ہوکر گرے ہوئے آپ کے گھروں کی تعمیر کرنا ہماری ذمہ داری ہے ، اگر حکومت گھروں کی تعمیر نہیں کرتی ہے تو حکومت کو ہی گرادیں گے۔ متاثرین رکن اسمبلی کی ان باتوں کو سننے کے بعد تالیاں پیٹ کر خوشی کا اظہار کیا۔خیال رہے کہ 2011میں بی ایس یڈیورپا جب وزیر اعلیٰ تھے تو ان کی حکومت گرانے کی بال چندرا نے کوشش کی تھی۔
