سرسی:23؍ ڈسمبر(ایس اؤ نیوز) فوریسٹ مکینوں پرمحکمہ فوریسٹ کی طرف سے  ہورہےظلم کےخلاف احتجاج کرتےہوئے اتی کرم داروں نے متحدہ طورپر بیلگام چلو مہم چھیڑ رکھی ہے۔ بیلگام میں  منعقدہ احتجاجی میٹنگ میں میمورنڈم وصول کرنے پہنچے محکمہ کے اعلیٰ افسران کو آڑے ہاتھوں لیتے ہوئے خاطی افسران کےخلاف قانونی کارروائی کرنےکا  مطالبہ کیاگیا ۔

سرمائی اجلاس کے دوران حکومت کو متوجہ کرنے کے لئے اترکنڑا ضلع بھر کے اتی کرم دار بیلگام پہنچ کر احتجاجی  سبھا کا انعقاد کیا۔ سبھا میں اترکنڑا ضلع بھر سے ہزاروں اتی کرم دار شریک تھے۔ محکمہ فوریسٹ کے اعلیٰ افسران  جب  میمورنڈم وصول کرنے احتجاجی سبھا میں پہنچے تو اتی کرم دار ویدیکے کے ذمہ داران نے افسران کو آڑے ہاتھوں لیتے ہوئے کہاکہ محکمہ کے جو بھی افسران فوریسٹ مکینوں پر ظلم کررہے ہیں ان کےخلاف سخت قانونی کارروائی کریں۔ ہزاروں اتی کرم داروں کے سامنے افسران سے کہاگیا کہ جو بھی فوریسٹ کی زمین پر رہائش اختیار کئےہوئے ہیں وہ قانونی ہے۔ قانون کے مطابق رہائش اختیار کئے فوریسٹ مکینوں کےخلاف محکمہ کے افسران ہراسانی، ظلم ، ذہنی ہراسانی دینے والی تصاویر اور وڈیو کلپ وغیرہ کی نمائش کی گئی اور متعلقہ فوریسٹ افسران کے خلاف قانونی کارروائی کامطالبہ کیاگیا ۔ اس موقع پر  سیدعلی ، سبھاش گاوڈا، سنتوش گاوڈا، راگھویندرنائک، ہونپا نائک، شیوانند جوگی وغیرہ موجود تھے۔