لبَّیک اللّهمّ لبَّیک کی روح پرور صداؤں کے ساتھ مناسک حج کا آغاز

Source: S.O. News Service | Published on 7th July 2022, 9:55 PM | خلیجی خبریں |

ریاض،7؍جولائی (ایس او نیوز؍ایجنسی) سعودی عرب میں لبَّیک اللّهمّ لبَّیک کی روح پرور صداؤں کے ساتھ آج صبح مناسک حج کا آغاز ہو گیا۔ حجاج کرام خانہ کعبہ میں نماز فجر ادا کرنے کے بعد احرام باندھ کر منی پہنچ گئے، جہاں دنیا کی سب سے بڑی خیمہ بستی بنائی گئی ہے۔ خیال رہے کہ گزشتہ دو سال سے کورونا وائرس کی وجہ سے بیرون ممالک سے عازمین کی سعودی عرب آمد پر پابندی عائد رہنے کے بعد امسال 10لاکھ عازمین حج کی سعادت حاصل کر رہے ہیں، جن میں 8.5 لاکھ غیر ملکی عازمین شامل ہیں۔

مکہ مکرمہ، منیٰ، مزدلفہ اور عرفات کی طرف جانے والی شاہراہوں پر دھکم پیل سے بچنے کے انتظامات کئے گئے ہیں۔ مناسک حج کی ابتدا ہر سال 8 ذی الحجہ ہجری سال سے ہوتی ہے۔ حجاج کرام کو 8 ذی الحجہ کو ظہر سے پہلے منیٰ پہنچ جانا ہوتا ہے۔ منیٰ، مکہ شریف سے 3 میل کے فاصلے پر بہت بڑا میدان ہے، جس کے ارد گرد پہاڑیاں موجود ہیں۔ منیٰ میں 5 نمازیں ادا کرنی ہوتی ہیں۔ جن میں ظہر، عصر، مغرب، عشاء اور 9 ذی الحجہ کی نماز فجر شامل ہیں۔

قبل ازیں، دنیا بھر سے فریضہ حج کی ادائیگی کے لیے آئے لاکھوں فرزندان توحید آج صبح آٹھ ذی الحج 1443 کی شبِ منیٰ میں ترویہ کا دن گزارنے کے لیے اللہ تعالیٰ کی بارگاہ میں حاضری کی امید رکھتے ہوئے پہنچے۔ منی میں عازمین حج رسول پاک صلی اللہ علیہ وسلم کی سنت زندہ کرتے ہوئے بارگاہ خداوندی میں دعائیں اور مناجات کیں۔

اسلامی شریعت میں احرام باندھے ہوئے اکیلے گروپ کی شکل میں حجاج کا ترویہ کے دن منیٰ میں پہنچے اور نو ذی الحج کو طلوع آفتاب تک عازمین حج وہاں رہیں گے۔ اس کے بعد وہ وقوف عرفات کے لیے روانہ ہو جائیں گے۔ پھرعرفات میں دن بھر رہنے کے بعد مزدلفہ میں رات گزاریں گے۔ پھر تین روز تک قربانی کریں گے اور تین جمرات العقبہ، جمرہ اولیٰ، جمرہ صغریٰ اور جمرہ کبرا کے مناسک ادا کریں گے۔

ایک نظر اس پر بھی

بھٹکل: قائد قوم ڈاکٹر ایس ایم سید خلیل کی خدمات کے اعتراف میں 10 ڈسمبر کو دبئی میں ہوگا اہم تہنیتی پروگرام؛ دیا جائے گا افتخار قوم کا خطاب؛ ریلیز کی جائے گی وڈیو ڈوکومینٹری

بھٹکل مسلم خلیج کونسل (بی ایم کے سی) نے قائد قوم ڈاکٹر ایس ایم سید خلیل الرحمٰن کو افتخار قوم کے خطاب سے نوازتے ہوئے ان کی خدمات کو زبردست خراج عقیدت پیش کرنے کا منصوبہ بنایا ہے

جدہ میں طوفانی بارش، دو کی موت، راستے تالاب میں تبدیل، مکہ جانے والی سڑک بھی بند

سعودی عرب کے ساحلی شہر جدہ میں جمعرات کے روز طوفانی بارش کے نتیجے میں دو لوگوں کی موت ہوگئی جبکہ کئی اہم راستے تالاب میں تبدیل ہوگئے۔ پتہ چلا ہے کہ زور دار بارش کی وجہ سے مکہ جانے والی سڑک پر بھی پانی جمع ہے اور روڈ سواریوں کے لئے بند ہے۔

بھٹکل : پاسپورٹ پر مکمل نام نہ ہونے کا معاملہ - انڈیا سے یو اے ای جانے والوں کے لئے نئی پریشانی

پاسپورٹ پر اپنے خاندانی لقب کے ساتھ مکمل نام نہ رہنے کی صورت میں ہندوستان سے دبئی اور  یو اے ای کے دیگر شہروں میں   آنے جانے والے مسافروں کے لئے مشکل کھڑی ہوگئی  ہے ، کیونکہ حکومت نے ایسے مسافروں کو دبئی میں داخلہ نہ دینے کا قانون جاری کیا ہے ۔ 

قطر میں جاری فیفا ورلڈ کپ کا پہلا اَپ سیٹ، سعودی عرب نے ارجنٹائن کو2-1 سے دی شکست؛ شائقین میں زبردست جوش و خروش

  دوحہ قطر میں جاری فیفا وڑلڈ  کپ  2022 میں  گروپ سی کے ایک افتتاحی میچ میں سعودی عرب کی ٹیم نے ورلڈ کپ کی فیوریٹ سمجھی جانے والی ارجنٹائن کی ٹیم کو ایک کے مقابلے میں دو گول سے شکست دے دی ہے۔

دبئی کے جبل علی فری زون میں 'پرائم ایکواکلچر' قائم کرے گا سب سے بڑا 'جھینگا فارم'

جبل علی فری زون میں 'ایکواکلچر' کمپنی کی جانب سے آر اے ایس ٹیکنیک والا جھینگا پالن کا پہلا اور سب سے بڑا فارم قائم کیا جائے گا ۔ اس ضمن میں 'ایمیریٹس نیشنل ایکواکلچر کی ماتحت فرم 'پرائم ایکوا کلچر' اور جبل علی فری زون (جافزا) کے بیچ "شرِمپ آر اے ایس فارم" کے لئے معاہدہ طے ہوا ہے ۔ ...