سعودی عرب کے اسمارٹ شہر کی خوبصورت جھیل، مثالی ماحول اور سیاحتی چہرہ

Source: S.O. News Service | Published on 7th July 2020, 10:03 PM | خلیجی خبریں |

ریاض،7؍جولائی(ایس او نیوز؍ایجنسی) ینبع کا شمار سعودی عرب کے صنعتی شہروں میں ہوتا ہے۔ ینبع نہ صرف ایک صنعتی شہر کے طور پر مملکت کے لوگوں کے ذہنوں میں گھر کر چکا ہے بلکہ اس تہذیبی جمالیاتی حسن، ساحل کے قریب واقع ہونے کی وجہ سے بہترین ماحولیاتی ساخت اور اس کے وسط میں واقع ایک خوبصورت جھیل اس کی سیاحت اور قدرتی دلکشی کو چار چاند لگا دیتے ہیں۔ یوں ینبع ایک صنعتی شہر ہونے کے ساتھ ساتھ قدیم تہذیبی مرکز اور آج کی سیاحت کا ایک بہترین مقام ہے۔

ینبع بحیرہ احمر کے کنارے پر واقع سعودی عرب کا پہلا اسمارٹ شہر ہے۔ جغرافیائی محل وقوع کے اعتبار سے یہ شہر مدینہ منور کے مغرب میں واقع ہے۔ اس میں سیاحوں کے لیے دیکھنے کو بہت کچھ ہے۔ شہر کی خوبصورت جھیل، اس کی آب شاریں، سرسبزو شاداب مناظر رات کو چکمتی روشنیاں، خوبصورت مقامات اور بچوں کے لیے کھیل کے میدان سب سیاحوں کو اپنی طرف کھینچنے کی کشش رکھتے ہیں۔

شہر میں واقع جھیل اگرچہ مصنوعی ہے مگر دیکھنے میں یہ کسی قدرتی جھل سےمختلف نہیں۔ یہ جھیل بحر احمر سے 3 کلومیٹر دور ہے۔ اس کا ڈیزائن قدرتی جھیلوں کی طرح ہے۔ جھیل کے اطراف میں دور دور تک کھجور کے درخت پھیلے ہوئے ہیں۔ جھیل کے تمام حصوں میں قدرتی ماحول اور توازن قائم کیا گیا ہے۔ جھیل کے دو حصے ہیں۔ ایک جھیل کے بیرونی حصے میں راہ داری سے جوڑا گیا ہے جب کہ دوسرا حصے تک لکڑی کے پل کے ذریعے پہنچا جا سکتا ہے۔

جھیل اور اس کے اطراف کے سرسبز فرش کا رقبہ 21276 مربع میٹر ہے۔ اطراف میں کھجور کے درخت اس کی خوبصورتی کو اور بھی بڑھا دیتے ہیں۔ ان میں 373 بڑے اور 1590 چھوٹے درخت ہیں۔ شہرکے مختلف حصوں کو اس خوبصورت جھیل کے ساتھ جوڑا گیا ہے تاکہ سیاح اور دیگر شہری با آسانی یہاں پہنچ سکیں۔ جھیل سے متصل چار مصنوعی مگر خوبصورت آبشاریں ہیں۔ جھیل کے قریب 172 کار پارکنگ اسٹینڈ ہیں جن میں سے 8 خصوصی اور معذور افراد کے لیے ہیں۔

ایک نظر اس پر بھی

دبئی میں ایک سواری نے ایک شخص کو رونڈ ڈالا؛ مہلوک ایشیائی شخص کی شناخت ہنوز نہیں ہوپائی؛ پولس نے عوام سے کی تعاون کی اپیل

یہاں ایک سواری کی ٹکر میں ایک شخص ہلاک ہوگیا مگر اُس شخص کی شناخت ابھی تک معمہ بنی ہوئی ہے اور یہ کون ہے، کس ملک یا کس  شہر سے ہے کچھ پتہ نہیں چل پایا ہے۔ پولس کا کہنا ہے کہ یہ ایشیاء کے  کسی ملک سے تعلق رکھتا ہے۔

دبئی :شیرورگرین ویلی اسکول کے صدر ڈاکٹر سید حسن کی دختر دانیا کو ملا شیخہ فاطمہ بنت مبارک ایوارڈ آف ایکسلینس‘

عرب امارات میں بہترین ہمہ جہتی تعلیمی کارکردگی کے لئے طالب علموں کو دیا جانے والا ’’ہَرہا ئنیس شیخہ فاطمہ بنت مبارک ایوارڈ آف ایکسلینس“ امسال دانیا حسن کو تفویض کیا گیا ہے جس کا تعلق  بھٹکل کے پڑوسی علاقہ شرور سے ہے۔

سعودی فرماں روا شاہ سلمان آرام کی غرض سے نیوم میں

خادم الحرمین الشریفین شاہ سلمان بن عبدالعزیز آل سعود بدھ کے روز تبوک صوبے کے سرحدی علاقے نیوم پہنچ گئے۔ سعودی فرماں روا وہاں آرام کی غرض سے کچھ وقت گزاریں گے۔ اس سے قبل شاہ سلمان بدھ کے روز دارالحکومت ریاض سے روانہ ہوئے تھے۔

یو اے ای : بیرون ملک مقیم مکینوں کی واپسی کے لیے پیشگی منظوری کی شرط ختم

متحدہ عرب امارات کی قومی ایمرجنسی کرائسِس اور ڈیزاسسٹر مینجمنٹ اتھارٹی نے کرونا وائرس کو پھیلنے سے روکنے کے لیے عاید کردہ پابندیوں میں مزید نرمی کردی ہے اور بیرون ملک مقیم یو اے ای کے مکینوں کو بدھ سے واپسی کے لیے اب حکام سے پیشگی منظوری لینے کی ضرورت نہیں ہوگی۔