بی بی ایم پی صفائی کرمچاریوں کیلئے رہائشی اسکیم بی ڈی اے سے تعمیر شدہ فلیٹ کے حق پترا تقسیم

Source: S.O. News Service | Published on 19th February 2020, 11:35 AM | ریاستی خبریں |

بنگلورو،19/فروری (ایس او نیوز) بروہت بنگلور مہانگر پالیکے (بی بی ایم پی) کے صفائی کرمچاریوں کو رہائش کی سہولت فراہم کرنے بنگلور ڈیولپمنٹ اتھارٹی (جی ڈی اے) کی طرف سے فلیٹ تعمیر کئے جارہے ہیں، ان میں سے چند فلیٹ کے حق پترا آج منتخب صفائی کرمچاریوں میں تقسیم کئے گئے۔ ملیشورم کے آئی پی پی ٹریننگ سنٹر میں منعقد حق پترا تقسیم تقریب میں حق پترا تقسیم کرنے کے بعد میئر گوتم کمار جین نے اپنے خطاب میں کہا کہ بی بی ایم پی کے تقریباً 272/ مستحق ملازمین کو فلیٹس دینے کے لئے نشاندہی کی گئی ہے۔ اس میں ویسٹ زون کے جملہ 89/ افراد کو فلیٹ دئیے جائیں گے۔ انہوں نے بتایا کہ پہلے مرحلہ میں آج 60/ صفائی کرمچاریوں میں فلیٹ کے حق پترا تقسیم کئے گئے ہیں۔آنے والے دنوں میں مزید مستحقین میں فلیٹ تقسیم کئے جائیں گے۔ میئر نے بتایا کہ مذکورہ رہائشی اسکیم کے لئے 2015-16/ کے دوران 50/ کروڑ روپئے مختص کئے گئے تھے۔ اس اسکیم کے تحت ایک فلیٹ 9/ لاکھ روپئے میں تعمیر کیا گیا ہے جس میں 6/ لاکھ روپئے منسپل ڈائرکٹریٹ اور 3/ لاکھ روپئے بی بی ایم پی سے ادا کئے جارہے ہیں۔ انہو ں نے بتایا کہ بی بی ایم پی میں خدمت انجام دے رہے 400/ مستقل صفائی کرمچاریوں کو ”گراہا بھاگیہ“ اسکیم کے تحت بی ڈی اے نے آلود میں جو فلیٹس تعمیر کئے ہیں وہ مستحق افراد میں تقسیم کئے جائیں گے۔انہوں نے کہا کہ شہر کو پاک وصاف رکھنے میں صفائی کرمچاریوں کی خدمات ناقابل فراموش ہیں۔صفائی کرمچاری اپنی صحت کی پرواہ کئے بغیر شہریوں کی صحت کو ترجیح دیتے ہوئے، صبح اور شام شہر میں صفائی کرتے ہیں۔صفائی کرمچاریوں کی ان خدمات کے عوض انہیں رہائشی سہولت فراہم کی جارہی ہے۔ میئر نے کہا کہ شہر میں آوارہ کتوں کی بھرمار ہے، کئی افراد کو اس سے کافی پریشانی ہونے لگی ہے۔ اس بات کو مدنظر رکھ کر 10/ کروڑ روپیوں کی لاگت سے 2/ کینال تعمیر کرکے آوارہ کتوں پر قابو پایا جائے گا۔ انہوں نے بتایا کہ شہر میں 150/ پرائمری ہیلتھ سنٹرز ہیں،ان میں بی بی ایم پی کی حدود کے 85/ پرائمری ہیلتھ سنٹرز شامل ہیں۔ ان ہیلتھ سنٹرز میں کتوں کے کاٹنے پر لگائے جانے والے ریبس ویکسن دوائی مفت فراہم کی جائے گی۔ عوام اس سے استفادہ کرسکتے ہیں۔ انہو ں نے بتایا کہ مذکورہ دوائی کی کوئی قلت نہیں ہے۔ اس سلسلہ میں تمام طرح کے اقدامات کئے گئے ہیں۔ تقریب میں ڈپٹی میئر رام موہن راج ویسٹ زون کے کمشنر بسواراج، منجوناتھ راج سمیت دیگر افسر حاضر تھے۔

ایک نظر اس پر بھی

چکمگلورو میں المناک حادثہ: تالاب میں تیرنے پہنچے پانچ افراد موت کا شکار۔ شادی کا گھر بن گیا ماتم کدہ؛ ایک کو بچانے کی کوشش میں چار غرق

چکمگلورو کے وستارگاؤں میں ایک المناک حادثہ پیش آیا جس میں ہیرے کیرے نامی    تالاب کے اندر تیرنے کے لئے گئے  ہوئے   پانچ افراد  ڈوبنے کی وجہ سے  بیک وقت موت کا شکارہوگئے ۔مہلوکین کی شناخت سندیپ، راگھویندرا، سدیپ، دلیپ اور دیپک کے طور پر کی گئی ہے۔

اوقاف کے ساتھ کھلواڑ کرنے والوں کے خلاف سخت کارروائی کی جائے:تنویر سیٹھ

وقف کی املاک اللہ کی امانت ہے۔اس کو نہ فروخت کیا جاسکتا ہے اور نہ ہی گروی رکھنے کی گنجائش ہے۔البتہ اوقافی املاک سے ہونے والی آمدنی کا استعمال ملت کی فلاح و بہبودی کے لئے کیا جاسکتا ہے۔لیکن اس کے برعکس لوگ وقف کی املاک بینکوں میں گروی رکھ کر کروڑو ں روپئے قرضہ لے رہے ہیں۔ یہ قرضہ ...

قدآور کانگریس قائد، احمد پٹیل کو ریاستی کانگریسیوں کا خراج عقیدت

کانگریس کے قدآور قائد مسٹر احمد پٹیل کی رحلت پر آج کے پی سی سی دفتر میں کے پی سی سی صدر ڈی کے شیوکمار کی صدارت میں ایک تعزیتی اجلاس منعقد ہوا جس میں احمد پٹیل کی تصویر پر پھول چڑھا کر انہیں زبردست خراج عقیدت پیش کی گئی۔

کابینہ میں توسیع کا مسئلہ بی جے پی میں شدید اختلاف کا سبب، پرانے بی جے پی ممبران اور پارٹی بدلنے والوں میں اقتدار کے لئے رسہ کشی

ایسے مرحلے میں جبکہ وزیر اعلیٰ بی ایس ایڈی یورپا کی طرف سے ریاستی کابینہ میں توسیع کرنے کے لئے بی جے پی اعلیٰ کمان کی سطح پر کی گئی کوشش ناکام نظر آ رہی ہے بی جے پی میں وزارت کے دعویداروں کی بے چینی میں بھی اضافہ ہو تا جا رہا ہے اور اقتدار کا حصہ بننے کے لئے بے تاب کانگریس چھوڑ کر ...

جے ڈی ایس رکن کی حیثیت سے ہی میعاد مکمل کروں گا: جی ٹی دیوے گوڑا

یہاں میسورو تعلقہ کے ادبور میں مختلف ترقیاتی کاموں کی سنگ بنیاد تقریب میں شرکت کرنے کے بعد نامہ نگاروں سے بات کرتے ہوئے میسور کے حلقہ چامنڈیشوری کے جنتا دل (یس) رکن اسمبلی جی ٹی دیوے گوڑا جنہوں نے کئی ماہ سے جنتا دل (ایس) سے دوری بنائے رکھی ہے،

کرناٹک میں گردابی طوفان ”نیوار“سے متعلق ریڈ الرٹ

گردابی طوفان ”نیوار“کے بدھ کے روز تمل ناڈو اور پڈوچیری سے گزرنے کے پیش کرناٹک میں ریڈ الرٹ جاری کیا گیا ہے۔وزیر اعلیٰ بی ایس ایڈی یورپا نے آج یہاں میڈیا سے بات چیت میں کہا کہ متعلقہ عہدیداروں کو کسی بھی صورتحال کے لئے تیار رہنے کو کہا گیا ہے۔