بی بی ایم پی 277غیر قانونی مذہبی عمارتوں کو منہدم کرے گی
بنگلورو،6؍مارچ (ایس او نیوز) بی بی ایم پی ذرائع کے مطابق شہری حدود میں عوامی جائیداد پر تعمیر277مذہبی عمارتوں کو منہدم کرنے بی بی ایم پی تیاری کررہی ہے۔ کارپوریشن کے ایک افسر نے بتایا کہ سپریم کورٹ کے احکامات کے مطابق ستمبر 2009کے بعد بی بی ایم پی حدود کی سڑکوں، فٹ پاتھ، پارک سمیت سرکاری جگہ پر تعمیرمذہبی عمارتوں کو ہٹانے بی بی ایم پی افسر تیاری کررہے ہیں اور ان عمارتوں کی نشاندہی کی گئی ہے۔
بتایا جاتا ہے کہ کارپوریشن حدود کے 8،زونس میں غیر قانونی طور پر تعمیر مذہبی عمارتوں کی نشاندہی کی گئی ہے جس کے تحت ستمبر2009سے پہلے 3,335نجی مذہبی عمارتوں کو تعمیر کئی گئی ہیں۔ افسر نے بتایا کہ بی بی ایم پی نے ان عمارتوں کے ذمہ داروں کو نوٹس جاری کرکے انہیں خود منہدم کرنے کی ہدایت دی ہے اگر انہوں نے منہدم نہیں کیا تو یہ کارروائی بیبی ایم پی کی جانب سے ہی کی جائے گی اور اس کی اطلاع ہائی کورٹ وسپریم کورٹ کو دی جائے گی۔